عامر لیاقت 24 نیوز کی سرخی پر آگ بگولہ

تحریک انصاف کے رکن قومی اسمبلی اور معروف اینکر پرسن عامر لیاقت حسین 24 نیوز کی خبر  میں  کی  گئی شرارت پر آگ بگولہ ہوگئے۔ چینل  کے مالک  محسن نقوی اور سابق صدر آصف زرداری کو دھمکیاں دینے پر اترآئے۔

لاہور میں خاتون کو ہراساں کرنے والے ملزم عامر  لیاقت  کی گرفتاری  کی خبر کی سرخی 24 نیوز نے اپنی ویب سائٹ پر کچھ  اس  چٹ  پٹے  انداز  میں  لگائی  کہ  معروف  اینکر  پرسن  آپے سے باہر ہوگئے۔ 24 نیوز کی  سرخی  تھی  کہ  عامر لیاقت خاتون کو ہراساں کرنے پر لاہور پولیس کے ہاتھوں گرفتار۔ خبر کی یہ سرخی ایسی تھی جس نے ہر پڑھنے والے کو چونکا دیا تاہم خبر پڑھنے پر یہ بات سامنے آئی کہ گرفتاری اینکر پرسن کی نہیں بلکہ عامر لیاقت نامی کسی اور ملزم کی ہوئی ہے۔

یہ خبر اینکر پرسن عامر لیاقت تک پہنچی تو وہ آگ بگولہ ہوگئے۔ فوراً  سماجی  رابطوں  کی  ویب  سائٹ  ٹوئٹر  پر  پوسٹ  شیئر  کردی۔ عامر لیاقت نے اپنے ٹوئٹ میں  لکھا کہ  24نیوز کے محسن نقوی اور ان کی ٹیم آصف زرداری کے اشاروں پر ناچنے والے ہیں ۔ اس چینل نما بدنما کو آخری وارننگ ہے، ان چپڑقناتیوں کوپروگرام "ایسے نہیں چلے گا” یاد رکھنا چاہیے جس نے بڑوں بڑوں کی ہوا نکال دی تھی،  کیا پھر ہوا  نکالوں۔  عمران خان  کی دشمنی میں ہر کھلاڑی کو نہ چھیڑو۔

24نیوز کے محسن نقوی اور ان کی کوفی ٹیم ابن زیاد آصف زرداری کےنچیے ہیں اس چینل نما بدنما کو آخری وارننگ ہے،ان چپڑ قناتیوں کو یاد رکھناُ چاہیے ایک پروگرام ہوتا تھا “ایسے نہیں چلے گا” جس نے بڑے بڑوں کی ہوا ہر سوراخ سے نکال دی تھی، پھر نکالوں؟عمران خان دشمنی میں ہر کھلاڑی کو نہ چھیڑو pic.twitter.com/K5LUvORgi0

— Aamir Liaquat Husain (@AamirLiaquat) August 27, 2021

یہ  بھی  پڑھیے

فلائٹ لیفٹیننٹ ڈاکٹر ماہ نور کے انتقال پر شوہر کی جذباتی پوسٹ

عامر  لیاقت  کی  اس  پوسٹ  پر سوشل  میڈیا  صارفین  نے ان  کا  ساتھ  دیا۔ ایک  صارف  نے  لکھا  کہ  یہ  لوگ  اتنے  جرمانے اور پابندیاں بھگتنے کے بعد بھی  باز نہیں آتے۔

اتنے جرمانے اور پابندیاں بھگتنے کے بعد بھی یہ باز نہیں آتے۔

— Samar Shah (@SyedSamarShah86) August 27, 2021

ایک صارف  نے  عامر  لیاقت  کی  حمایت  کرتے  ہوئے  کہا  کہ  شو  ایسے  نہیں  چلے  گا  آپ  کے  علاوہ  کسی  اینکر  کو نہیں جچتا۔

ٹھیک کہہ رہے ہیں ایسے نہیں چلے گا جیسا شو وہ بھی جو آپ نے کیا ہوا یے بڑوں بڑوں کے چھکے چھڑا دیئے ہی ایسے نہیں چلے گا سوائے آپ کے کسی کو سوٹ ہی نہیں کرتا، کہتے ہیں کہ:،
جلنے والے جلتے رہیں گے
عامر بھائی چلتے رہیں گے۔
اللہ آپ کو مزید عزتیں عطا فرمائے آمین۔❤️👍

— Fauzia Siddiqui PTI (@fozisidd) August 27, 2021

دوسری  جانب  چند  صارفین  نے  عامر  لیاقت  کو  بھی  تنقید  کا  نشانہ  بنایا۔

Kisi bhi field me apki koi reput nahi rahi…afsos hy mujy me apko Mazhabi personality samajhta tha….phir se afsos hy mujy

— S Nadeem Kamal (@SNadeemKamal1) August 27, 2021