مریم نواز کی بیٹے کی شادی پر سیاسی تبصرہ نگاری سے گریز کی اپیل

مسلم لیگ ن کی نائب صدر مریم نواز نے میڈیا سمیت تمام طبقات سے اپنے بیٹے  کی شادی پر سیاسی تبصرہ نگاری سے گریز کرنے کی اپیل کردی۔

مریم نواز نے اپنے ٹویٹ میں لکھا کہ میرے بیٹے کی شادی ایک نجی، خاندانی معاملہ ہے۔ میں بھی تمام ماؤں کی طرح سیاسی تبصروں کے بغیر اس موقع کو منانے کی مستحق ہوں۔

یہ بھی پڑھیے

فواد چوہدری کو مریم نواز کا گانا پسند آگیا

جنید صفدر کے بعد حمزہ شہباز کی گانے کی ویڈیو سوشل میڈیا پر وائرل

مریم نواز نے مزید لکھا  کہ  میں میڈیا اور باقی تمام افراد سے عاجزانہ درخواست کرتی ہوں کہ وہ خاندان کے رازداری کے حق کا احترام کریں۔

My son’s wedding is a private,family affair. I,like all mothers,deserve a chance to celebrate the occasion without attracting political commentary. I humbly request media and everyone else to respect the family’s right to privacy. Thank you 🙏🏼

— Maryam Nawaz Sharif (@MaryamNSharif) December 7, 2021

صحافی ملیحہ ہاشمی نے مریم نواز کی درخواست پرردعمل دیتے ہوئے اپنے تبصرے میں لکھا کہ مریم نواز کی یہ بات بلکل درست ہےکہ بیٹے کی شادی پر خوشی منانا ان کا حق ہے اور اس پر سیاست نہ کریں۔ اسی طرح عمران خان کی بیوی جن کا سیاست سےکوئی تعلق بھی نہیں، ان کا بھی حق ہےکہ اگر وہ پردہ کرتی ہیں اور مذہبی لگاؤ رکھتی ہیں تو ان پر سیاسی تبصرے نہ کیےجائیں ،سب کی عزت ایک برابر۔

مریم نواز کی یہ بات بلکل درست ہےکہ بیٹے کی شادی پر خوشی منانا ان کا حق ہے اور اس پر سیاست نہ کریں۔

اسی طرح عمران خان کی بیوی جن کا سیاست سےکوئی تعلق بھی نہیں، ان کا بھی حق ہےکہ اگر وہ پردہ کرتی ہیں اور مذہبی لگاؤ رکھتی ہیں تو ان پر سیاسی تبصرے نہ کیےجائیں

سب کی عزت ایک برابر۔👍

— Maleeha Hashmey (@MaleehaHashmey) December 7, 2021

سیاسی تجزیہ کاروں کا کہنا ہے کہ مریم نواز کو میڈیا اور معاشرے رازداری کے احترام کی اپیل کرنے کے بجائے اپنے پارٹی رہنماؤں کو نجی تقریبا ت کی وڈیوز سوشل میڈیا کی زینت بنانے سے روکنا چاہیے۔

سیاسی تجزیہ کاروں کا ماننا ہے کہ  مریم نواز کی شادی کی تقریبات پر حکمراں جماعت نے تو کوئی سیاست نہیں کی ہے۔بلکہ وفاقی وزیراطلاعات فواد چوہدری نے تو گزشتہ روز پریس کانفرنس میں بیٹے کی شادی پر مریم نواز کے گانے کی تعریف کی تھی۔