ڈپٹی ایئر چیف کی کمبیٹ کمانڈرز کورس کی گریجویشن سرمنی میں شرکت

ڈپٹی چیف آف دی ایئر اسٹاف ایئر مارشل حامد راشد رندھاوا نے پاک فضائیہ کے 56ویں کمبیٹ کمانڈرز کورس کی گریجویشن تقریب میں بطور مہمانِ خصوصی شرکت کرتے ہوئے خصوصی کورس میں نمایاں کارکردگی دکھانے والے شرکاء میں اعزازات تقسیم کیے۔

ترجمان پاک فضائیہ کے مطابق ڈپٹی چیف آف دی ائیر اسٹاف ائیر مارشل حامد راشد رندھاوا نے تقریب سے خطاب کرتے ہوئے کہا کہ ایئر پاور سنٹر آف ایکسیلینس نے کورس کے شرکا کی پیشہ ورانہ صلاحیتوں کو مزید بہتر بنا دیا ہے۔

یہ بھی پڑھیے

شمالی وزیرستان میں سیکورٹی فورسز کی کارروائی، 2 دہشت گرد ہلاک

ڈپٹی چیف آف دی ایئر اسٹاف کا کہنا تھا آپ کو چاہیے کے اپنی آنے والی ذمہ داریوں کو پوری مہارت سے سر انجام دیں۔

انہوں نے اس امر پر اطمینان کا اظہار کیا کہ درس گاہ میں تربیت کو جدید جنگی تقاضوں سے ہم آہنگ کیا گیا ہے۔

مہمان خصوصی نے کورس کے گریجویٹس کو ٹرافیز اور اسناد سے نوازا۔

کمبیٹ پائلٹس کے درمیان بہترین کارکردگی کا مظاہرہ کرنے پر چیف آف دی ایئر اسٹاف ٹرافی اسکواڈرن لیڈر اسامہ شریف غنی نے حاصل کی۔

کمبیٹ کنٹرولرز کے درمیان بہترین کارکردگی کا مظاہرہ کرنے پر ائیر آفیسر کمانڈنگ ایئر ڈیفنس کمانڈ ٹرافی اسکواڈرن لیڈر محمد ایاز نے حاصل کی۔