ماہر موسمیاتی تبدیلی نے این ڈی ایم اے کی سنجیدگی کا بھانڈا پھوڑ دیا

جرمنی کی یونیورسٹی آف کلون سے موسمیاتی تبدیلی کے مضمون میں ماسٹرز کی ڈگری  حاصل کرنے والی آمنہ شفقت نے پاکستان میں آفات سے نمٹنے پر مامور نیشنل ڈیزاسٹر منیجمنٹ اتھارٹی (این ڈی ایم اے) کی ترجیحات اور سنجیدگی پر سوالات اٹھا دیے۔

 آمنہ شفقت نے اپنے  ٹوئٹر تھریڈ میں بتایا ہے کہ  چند سال قبل جب انہوں نے  وطن کی محبت میں پاکستان واپس آنے کا فیصلہ کیا تو میں اپنا سی وی لے کر این ڈی ایم اے گئی۔

یہ بھی پڑھیے

دریائے سندھ میں پانی کے بہاؤ کی شدت برقرار، نئے سیلاب کی پیش گوئی

سیلاب زدہ علاقوں کی خواتین کیلئےسینیٹری نیپکن کی عدم دستیابی باعث تشویش

انہوں نے بتایا کہ اس وقت این ڈی ایم اے کے سربراہ ایک حاضر سروس میجر جنرل تھے جنہوں نے میری ایم ایس انوائرمنٹل سائنس کی سند دیکھی اور  کہا کہ ہم صرف آفت کے بعد کے معاملات دیکھتے ہیں  اور آپ نے جو  سب پڑھا وہ آفت سے پہلے موسمیاتی تبدیلی کی منصوبہ بندی کے حوالے سے  ہے۔

Few years ago when I decided to come back to Pakistan cuz Watan ki Mohabbat, I took my CV to NDMA. The Chairman, a Maj-Gen in uniform saw my MS degree in Env. Science and said ‘we only do post-disaster management, and all you have studied is pre-disaster climate change planning🥲

— Amna Shafqat (@AmnaGoraya) August 31, 2022

 آمنہ شفقت نے مزید بتایا کہ  نوکری کی تلاش میں 18 ماہ سے زائد جدوجہد  کے بعد  جب  ذہنی تناؤ اور ڈپریشن  برداشت سے باہر ہوگیا تو میں سی ایم ایچ میں ماہر نفسیات کے پاس گئی اور اس وقت میری آنکھیں حیرانی سے باہر آگئیں جس ماہر نفسیات نے کہا  لیکن آپ کے پاس شوہر  ہے، آپ کو اپنے کیریئر اپنے شوہر پر توجہ دینی چاہیے ۔

A follow-up story. After struggling to find a job for almost 18 months, unable to cope with stress and depression I went to a CMH psychiatrist. While I bawled my eyes out, the psychiatrist told me "but you have a husband, you should focus on your hubby instead of your career”😂😭

— Amna Shafqat (@AmnaGoraya) August 31, 2022

ایک خاتون صارف نے آمنہ شفقت کے ٹوئٹ پر تبصرہ کرتے ہوئے کہا کہ مجھے حیرت ہے ڈاکٹر نے یہ کیوں نہیں کہا کہ ایک بچہ کرلو، دل لگ جائے گا۔

He also suggested that. He was like why aren’t you having kids? Then called my father inside and said "Sir apki beti ko koi masla nahe, inhein samjehyin key apney ghar aur apney sohar per focus kerein. Nokari mein kuch nahe rekha”

I was shocked!

— Amna Shafqat (@AmnaGoraya) August 31, 2022

 آمنہ شفقت نے کہاکہ انہوں نے یہ مشورہ بھی دیا۔ انہوں نے کہا کہ آپ کے بچے کیوں نہیں ہیں۔پھر میرے والد کو اندر بلایا اور کہا کہ جناب آپ کی  بیٹی کو کوئی مسئلہ نہیں ہے، انہیں سمجھائیں کہ اپنے گھر اور اپنے شوہر پر توجہ مرکوز کریں، نوکری میں کچھ نہیں رکھا، میں حیران رہ گئی۔

Nothing against the Army, I love Pak Army #loveRaheelSharif #loveBajwaSb #lovePakArmy Menu chuk na lena 🥲😅! https://t.co/mWTt0KASft

— Amna Shafqat (@AmnaGoraya) August 31, 2022

 آمنہ شفقت نے ایک ٹوئٹ میں  مزاحیہ انداز میں اپنی حب الوطنی کا ثبوت دیتے ہوئے کہا کہ اس میں فوج کیخلاف کچھ نہیں، مجھے پاک فوج سے پیار ہے، انہوں نے لوو راحیل شریف، لووباجوہ صاحب اور لوو پاکستان آرمی کے ہیش ٹیگ بھی استعمال کرتے ہوئے پنجابی لکھا کہ مینو چک نہ لینا(مجھے اٹھا نہ لینا)۔