ارشد شریف کی بیوہ نے وقار احمد اور انکی فیملی کو کلین چٹ دے دی

جویریہ صدیقی کا کہنا ہے کینیا میں ارشد شریف بہت خوش تھے وہ اپنی میزبان فیملی کی مہمان نوازی کی بہت تعریف کیا کرتے تھے۔

ویب ڈیسک30 اکتوبر 2022

کینیا میں پولیس کے ہاتھوں قتل ہونے والے سینئر صحافی اور اینکر پرسن ارشد شریف کی بیوہ جویریہ صدیقی نے اپنے مرحوم شوہر کے میزبان خاندان کو کلین چٹ دیتے ہوئے کہا ہے کہ برائے مہربانی انہیں ٹارگٹ کرنے سے گریز کیا جائے۔

سماجی رابطوں کی ویب سائٹ ٹوئٹر پر جاری کیے گئے پیغام میں جویریہ صدیقی نے کہا ہے کہ "ارشد اور میں روزانہ کی بنیاد پر ایک دوسرے سے رابطے میں تھے ، وہ باقاعدگی سے آڈیو اور ویڈیو کال کیا کرتے تھے۔”

یہ بھی پڑھیے

وزیراعظم شہباز شریف نے وی لاگرز اور یوٹیوبرز کو صحافی تسلیم کرلیا

پاکستان تحریک انصاف کا حقیقی آزادی مارچ: کیا عمران خان نیا بیانیہ ترتیب دے رہے ہیں؟

بیوہ ارشد شریف کا کہنا ہے کہ ” وہ (ارشد شریف) کینیا میں بہت خوش اور پر سکون تھے اور ہمیشہ اپنے میزبان وقار صاحب اور خاندان کی بڑی مہمان نوازی کی بہت زیادہ تعریف کرتے تھے۔”

Arshad and I was connected on daily basis he did audio and video calls regularly. He was so happy and relaxed in Kenya and always praised his host Waqar sb and family for such a great hospitality.
Stop targeting the family who helped @arsched in our difficult times. pic.twitter.com/6vUeiwNsF9

— Javeria Siddique (@javerias) October 29, 2022

جویریہ صدیقی نے مزید لکھا ہے کہ "اس خاندان کو نشانہ بنانا بند کریں جنہوں نے مشکل وقت میں ہماری مدد کی۔”

جویریہ صدیقی نے ایک ٹوئٹر میں لکھا ہے کہ ” جب میری ارشد کی آخری کال پر بات ہوئی تو وہ لانگ مارچ کو لے کر بہت پرجوش تھا اور مجھے کہا جیا میں لانگ مارچ کے دن زیادہ وی لاگ کروں گا آج سب ہے میرا ارشد نہیں ہے بس۔”

جب میری ارشد کی آخری کال پر بات ہوئی تو وہ لانگ مارچ کو لے کر بہت پرجوش تھا اور مجھے کہا جیا میں لانگ مارچ کے دن زیادہ وی لاگ کروں گا آج سب ہے میرا ارشد نہیں ہے بس @arsched

— Javeria Siddique (@javerias) October 29, 2022