سینیٹر مصطفیٰ نواز کھرکھر کی رخصتی پر سینئر صحافیوں کا سخت ردعمل
سینئر اینکر پرسن حامد میر ، سینئر تجزیہ کار مبشر زیدی اور سینئر خاتون صحافی ماریانہ بابر نے مصطفیٰ نواز کھوکھر کے استعفے پر سخت مایوسی کا اظہار کیا ہے۔
پاکستان پیپلز پارٹی کے سینئر رہنما اور سینیٹر مصطفیٰ نواز کھوکھر کی جانب سے استعفے کے بعد سینئر اور غیرجانبدار صحافیوں کی اسے پیپلز پارٹی کے لیے بڑے نقصان قرار دیا ہے۔
جیو نیوز کے پروگرام کیپیٹل ٹاک کے میزبان اور سینئر اینکر پرسن حامد میر نے سینیٹر مصطفیٰ نواز کھوکھر کا ٹوئٹ شیئر کرتے ہوئے لکھا ہے کہ "یہ پیپلز پارٹی کے لیے بڑا نقصان ہے۔”
Big loss of PPP https://t.co/eC17O7Gq7C
— Hamid Mir (@HamidMirPAK) November 8, 2022
اسی طرح سے سینئر صحافی اور تجزیہ کار مبشر زیدی نے لکھا ہے کہ "آپ کے لیے عزت اور بڑھ گئی۔”
Respect https://t.co/YK8hSWhjnO
— Mubashir Zaidi (@Xadeejournalist) November 8, 2022
دی نیوز سے منسلک سینئر صحافی اور تجزیہ کار ماریانہ بابر نے آصف علی زرداری اور بلاول بھٹو زرداری کو ٹیگ کرتے ہوئے لکھا کہ ‘کس نے پارٹی کے ایک سیٹنگ سینیٹر کو کب اور کیوں برطرف کیا؟ کیا آپ کو اس بات پر بے چینی ہے کہ مصطفی_نواز بے نظیر کی طرح غلط کو غلط کہہ رہے ہیں یا کسی کوئی اور سینیٹ کی سیٹ خرید رہا ہے؟۔’
When has a party sacked a sitting Senator @AAZardari_ @BBhuttoZardari ? Are you uncomfortable that @mustafa_nawazk is calling a spade a spade like Benazir did or is someone buying the Senate seat?
Shocking if it is the first and you want to cling to Sindh fiefdom. https://t.co/vPjekqzLdZ— Mariana Baabar (@MarianaBaabar) November 8, 2022
ماریانہ بابر نے مزید لکھا ہے کہ "اگر یہ پہلی والی بات ہے تو یہ چونکانے والی ہے ، اور آپ سندھ کی جاگیر سے چمٹے رہنا چاہتے ہیں۔”
واضح رہے کہ پاکستان پیپلز پارٹی کے سینئر ترین رہنما مصطفیٰ نواز کھوکھر نے پارٹی کے کہنے پر گذشتہ روز سینیٹرشپ سے استعفیٰ دینے کا اعلان کیا تھا۔
یہ بھی پڑھیے
اعظم سواتی کے لیے آواز اٹھانا مصطفیٰ نواز کھوکھر کو مہنگا پڑ گیا
انہوں نے میڈیا کو گفتگو کرتے ہوئے بتایا تھا کہ انہیں پارٹی کے سینئر رہنما نے پارٹی قیادت کا پیغام پہنچایا تھا کہ بعض معاملات میں آپ کا موقف پارٹی پالیسی سے متصادم ہے اس لیے آپ سینیٹرشپ سے استعفیٰ دے دیں۔
