قومی اقتصادی کونسل کا اجلاس طلب؛ ترقیاتی پلان اور معاشی اہداف کی منظوری متوقع

وزیراعظم شہباز شریف نے قومی اقتصادی کونسل (این ای سی ) کا اجلاس چھ جون کو طلب کرلیا ہے جس میں وفاقی وزراء اور چاروں صوبائی وزرائے اعلیٰ بھی شرکت کریں گے ۔

وزیراعظم شبہازشریف کی زیرصدارت قومی اقتصادی کونسل کا اجلاس 6 جون کوطلب  کیا گیا ہے جس میں نئے مالی سال ‏کے ترقیاتی پلان اورمعاشی اہداف کی منظوری متوقع ہے۔

یہ بھی پڑھیے

وزیراعظم شہبازشریف کی زیرصدارت قومی اقتصادی کونسل(این ای سی ) کے اجلاس وفاقی وزراء اورچاروں صوبوں کے وزرائے اعلیٰ ‏شرکت کریں گے۔

ذرائع کے مطابق نئے مالی سال کیلئے قومی ترقیاتی پلان کا حجم 2659 ارب روپے تجویز کیا گیا ہے۔ وفاقی ترقیاتی پروگرام ‏کے تحت 1100 ارب روپے مختص کرنے کی تجویز ہے۔

اطلاعات کے مطابق  وفاقی ترقیاتی پروگرام ‏کے تحت 1100 ارب روپے جبکہ صوبوں کی جانب سے ترقیاتی منصوبوں کیلئے 1559 ارب روپے مختص کرنے کی ‏تجویزہے۔

پی ایس ڈی پی دستاویزکے مطابق سیلاب سے متاثرہ انفراسٹرکچرکی بحالی کیلئے 359 ارب، توانائی کے 101 منصوبوں ‏کیلئے 102 ارب روپے مختص کرنے کی تجویز دی گئی ہے ۔

یہ بھی پڑھیے

دستاویزکے مطابق جام شورہ میں 600 میگاواٹ کے کول پاور پراجیکٹس کیلئے 12 ارب روپے اورسکھی کناری پاور ‏پراجیکٹ کیلئے 12.5 ارب روپے کا ترقیاتی بجٹ مختص کیا گیا ہے۔

پی ایس ڈی پی دستاویزکےمطابق آئندہ بجٹ میں ٹرانسپورٹ سیکٹر ‏کیلئے156.4 ارب، پانی کے 82 منصوبوں کیلئے 167 ارب روپے مختص کرنے کی تجویز ہے ۔

موصول دستاویز میں بتایا گیاہےکہ صحت کی 38 اسکیموں کیلئے 20 ارب روپے کا ‏ترقیاتی بجٹ اور ایچ ای سی کے 152 منصوبوں کیلئے 45 ارب کا ترقیاتی بجٹ خرچ کیا جائے گا۔ ‏