لیگی قائد نواز شریف عمران خان کا طرز عمل اپنانے لگے

پاکستان مسلم لیگ (پی ایم ایل این ) کے قائد نواز شریف سے لندن میں پاکستان سے آئے طالب علموں نے ملاقات  کی. سابق وزیراعظم نے بچوں کو ان کی ٹی شرٹس پر آٹو گراف بھی دیئے ۔

پی ایم ایل این کے قائد نواز شریف کی بچوں کو ان کی ٹی شرٹس پر آٹو گراف دینے کی وڈیو وائرل ہوئی تو سوشل میڈیا صارفین نے ردعمل دیتے ہوئے کہا کہ چیئرمین پی ٹی آئی عمران خان کی نقل کی جارہی ہے ۔

یہ بھی پڑھیے

لیگی رہنماؤں کے اعلانات کے باوجود نواز شریف کی وطن واپسی غیریقینی

ہم نیوزسے منسلک  صحافی  مغیث علی نے سابق وزیراعظم نواز شریف کی وڈیو شیئر کرتے ہوئے لکھا کہ عمران خان کی نقل کی جارہی ہے۔ انہوں نے پوچھا یہ ٹی شرٹ کتنے کی بکے گی ؟۔

عمران خان کی کاپی۔۔!!!
یہ دستخط شدہ شرٹ کتنے کی فروخت ہوگی؟ pic.twitter.com/SwjJ6iSKvT

— Mughees Ali (@mugheesali81) January 23, 2023

ایک ٹوئٹر صارف نے طنزیہ لکھا کہ "میاں صاحب کی چھوٹی چھوٹی خوشیاں” جبکہ ایک صارف نے لیگی قائد نواز شریف  کو مشورہ دیا ہے کہ یہ آپ کے بس کا کام نہیں ہے ۔

میاں صاحب کی چھوٹی چھوٹی خوشیاں۔۔۔۔😀

— nazinazar (@NAZIANAZARKHAN) January 23, 2023

اس سے قبل  نواز شریف کی بچوں کو ٹی شرٹس پر آٹوگراف دینے کی وڈیو نون لیگ کے آفیشل ٹوئٹر ہینڈل سے شیئر کرتے ہوئے بتایا گیا تھا کہ نواز شریف نے بچوں سے ملاقات کی ۔

پاکستان سے آئے بچوں کا قائد مسلم لیگ ن سے والہانہ اظہار محبت، بچوں نے نواز شریف صاحب سے آٹو گراف لیا۔ پوری قوم کے دل میں نواز شریف صاحب کی محبت رچ بس چکی ہے۔ pic.twitter.com/YSTMxOzJjc

— Rashid Nasrullah (@RashidNasrulah) January 23, 2023

ٹوئٹر پیغام میں بتایا گیا تھا کہ پاکستان سے آئے بچوں نے قائد مسلم لیگ نون سے والہانہ اظہار محبت کیا۔ بچوں نے نوازشریف صاحب سے آٹو گراف لیا۔