کے پی اسمبلی کی اپوزیشن کا سیلاب زدگان کی امداد سے انکار
خیبر پختون خوا اسمبلی کے 51 اپوزیشن اراکین نے تنخواہوں میں کٹوی واپس کرنے کی درخواست کردی۔
![خیبرپختونخوا اسمبلی](https://news360.tv/wp-content/uploads/2021/01/خیبرپختونخواہ-اسمبلی،-کے-پی-کے-اسمبلی.jpg)
خیبرپختونخوا اسمبلی میں 51 اپوزیشن اراکین نے سیلاب زدگان کی امداد سے انکار کرتے ہوئے تنخواہوں سے کٹوتی واپس کرنے کی درخواست کردی ہے۔
وزیر اعلیٰ محمود خان کی جانب سے جاری ہونے والے بیان کے مطابق اپوزیشن پارٹیوں کے 51 صوبائی اراکین نے تنخواہوں سے کٹوتی واپس کرنے کی درخواست کی ہے۔
یہ بھی پڑھیے
مکمل اختیارات نہ ملے تو دوسرے دن وزارت عظمیٰ کا عہدہ چھوڑ دوں گا، عمران خان
پرویز الہیٰ لیگی قائد نوازشریف کے بارے میں 22 سال سے کیا بات جانتے ہیں؟
وزیراعلیٰ سیکرٹریٹ سے جاری ایک بیان میں وزیر اعلیٰ کا کہنا ہے کہ عوامی نمائندوں کا اپنے ہی عوام کی امداد سے انکار افسوناک ہے۔
انہوں نے کہا ہے کہ سیلاب زدگان کی بحالی قومی مسئلہ ہے، اور اگر قدرتی آفت پر سیاست ہی کرنی تھی تو تمام امدادی کارروائیاں ان کے ہاتھوں میں دے دیتے ہیں۔
انہوں نے مزید کہا ہے کہ ہم پہلے سے کہتے آ رہے ہیں کہ یہ لوگ عوامی نمائندے نہیں ہیں، عوامی فلاح ان کا مقصد نہیں، ان کا مقصد قومی خزانے کو لوٹنا ہے۔
وزیر اعلیٰ محمود خان نے اپوزیشن پر تنقید کرتے ہوئے کہا ہے کہ انکی وفاقی حکومت نے صوبے اور ضم اضلاع کے فنڈز بھی ادا نہیں کیے. عوام انہیں دیکھ رہی ہے ، شرم سے ڈوب مرنے کا مقام ہے۔
انہوں نے کہا ہے کہ ہر مکتبہ فکر کے لوگوں نے امدادی کارروائیوں میں اپنا کردار ادا کیا۔ تعصب سے بھرے اپوزیشن جماعتیں اخلاقی جواز کھو بیٹھی ہیں۔