شہباز شریف کے خلاف آشیانہ ریفرنس میں نیب کے گواہ کا بیان ریکارڈ کرلیا گیا
احتساب عدالت میں وزیراعظم شہباز شریف کے خلاف نیب کے گواہ سابق رکن پنجاب اسمبلی عبدالرؤف مغل نے اپنا بیان ریکارڈ کروادیا، نیب کے گواہوں پر جرح کیلئے مزید کارروائی 11 مارچ تک ملتوی کردی گئی
وزیراعظم شہباز شریف کے خلاف آشیانہ اقبال ریفرنس میں قومی احتساب بیورو (نیب ) کے گواہ سابق رکن پنجاب اسمبلی عبدالرؤف مغل نے اپنا بیان ریکارڈ کروادیا ہے ۔
احتساب عدالت میں وزیراعظم شہباز شریف اور دیگر کیخلاف آشیانہ اقبال ریفرنس پر سماعت ہوئی۔ دوران سماعت نیب کے گواہ عبدالرؤف مغل نے اپنا بیان ریکارڈ کروادیا۔
یہ بھی پڑھیے
آشیانہ اقبال ریفرنس: نیب کے وعدہ معاف گواہان نے شہباز شریف کو کلین چٹ دے دی
دوران سماعت نیب کے گواہ عبدالرؤف مغل نے بیان ریکارڈ کرواتے ہوئے کہا کہ حکومت پنجاب کا بورڈ آف ڈائریکٹر پی ایل ڈی سی کا ممبر منتخب ہوا تھا۔
عبدالرؤف مغل نے کہا کہ صوبائی اسمبلی پنجاب کا رکن تھا، میں اس وقت مختلف میٹنگز میں شامل ہوتا رہا۔ یل ڈی اے اور پی ایل ڈی سی میں معاہدہ ہوا۔
نیب کے گواہ نے اپنے بیان میں کہا کہ جو بھی چیزیں وہاں اجلاس میں ہوئیں وہ ریکارڈ میں آچکی ہیں۔ 4 اپریل کو میں نے اس کیس کی تفتیش جوائن کی اور بیان دیا۔
نیب کے گواہ سابق رکن پنجاب اسمبلی عبدالرؤف مغل کے بیان ریکارڈ ہونے کے بعد نیب کےگواہوں کے بیانات پر جرح کیلئے کارروائی گیارہ مارچ تک ملتوی کردی گئی ہے ۔
