عمران خان کی ہدایت پر پنجاب اسمبلی کی تحلیل کا”جرم“، گجرات میں پرویزالہٰی کے گھر چھاپہ
پولیس اہلکار دیواریں پھلانگ کر کنجاہ ہاؤس میں داخل ہوگئے،تمام کمروں کی تلاشی، ملازمین سے صدر پی ٹی آئی کے بارے میں پوچھتے رہے،گجرات میں چوہدری وجاہت کی رہائشگاہ نت ہاؤس پر بھی پولیس چڑھ دوڑی، کوئی گرفتاری عمل میں نہیں آئی۔
تحریک انصاف کےچیئرمین عمران خان کے حکم پر پنجاب اسمبلی کی تحلیل سابق وزیراعلیٰ اور صدر تحریک انصاف چوہدری پرویز الہٰی کا جرم بن گیا۔
پنجاب پولیس نے چوہدری پرویز الہٰی کی گرفتاری کیلیے لاہور کے بعد گجرات میں بھی ان کی رہائشگاہ کنجاہ ہاؤس پر چھاپہ مارا۔پولیس نے گجرات میں واقعہ چوہدری وجاہت کی رہائشگاہ نت ہاؤس پر بھی چڑھ دوڑے۔
یہ بھی پڑھیے
پی ٹی آئی سے قوم کی خاطر بات ہوئی، مخالفین کی کوئی ضمانت نہیں، نواز شریف
عدلیہ کا کام قانون اور آئین کے تحت فیصلہ کرنا ہے، پنچایت لگانا نہیں، خواجہ آصف
گجرات میں سابق وزیر اعلیٰ پنجاب چوہدری پرویز الٰہی کی رہائش گاہ کنجاہ ہاؤس پر پولیس نے چھاپہ مارا، پولیس اہلکار دیواریں پھلانگ کر گھر کے اندر داخل ہو گئے۔
Punjab police again at Kunjah House in Gujrat to conduct another raid. I have told them to give them access although they still don’t have a search warrant. pic.twitter.com/ZlEKT5CVoS
— Moonis Elahi (@MoonisElahi6) May 1, 2023
چوہدری پرویز الٰہی کے صاحبزادے مونس الٰہی نے سوشل میڈیا پر بیان جاری کرتے ہوئے کہا کہ پولیس نے ایک بار پھر چھاپہ مارا ہے، پولیس کی نفری چوہدری پرویز الٰہی کی رہائش گاہ کے باہر موجود ہے۔انہوں نے کہا کہ پولیس کے پاس سرچ وارنٹ نہیں ہے
ذرائع کا کہنا ہے کہ پولیس اہلکاروں نے رہائش گاہ کے تمام کمروں کی تلاشی لی اور ملازمین سے پوچھ گچھ بھی کی، پرویز الٰہی کے بارے میں بھی پوچھتے رہے، سابق وزیر اعلیٰ پنجاب گھر پر نہیں ملے تاہم کچھ دیر بعد اہلکار واپس چلے گئےجبکہ کنجاہ ہاؤس سے حراست میں لیے گئے تین ملازمین پوچھ گچھ کے بعد رہا کر دیے گئے۔
اس کے علاوہ گجرات میں ہی چوہدری وجاہت حسین کی رہائش گاہ پر بھی پولیس نے چھاپہ مارا، پولیس اہلکار نت ہاؤس کی دیواریں پھلانگ کر اندر داخل ہوئے البتہ تلاشی اور ملازمین سے پوچھ گچھ کے بعد واپس چلے گئے۔
۔دوسری جانب اینٹی کرپشن پولیس کا کہنا ہے کہ کنجاہ ہاؤس میں چھاپے سے ہمارا کوئی تعلق نہیں، یہ پولیس کی کارروائی ہے۔
