9 مئی کے واقعات پر جے آئی ٹی نے عمران خان کو چوتھی بار طلب کر لیا

9 مئی کے پرتشدد واقعات کی تحقیقات کے لیے بنائی گئی مشترکہ تحقیقاتی ٹیم (جے آئی ٹی) نے لاہور کور کمانڈر ہاؤس پر حملے کے معاملے پر پی ٹی آئی چیئرمین عمران خان کو ایک بار پھر طلب کر لیا ہے۔

پولیس کے مطابق عمران خان کو ٹیم کے سوالات کے جوابات جمع کرانے کے لیے جمعے کے روز تفتیشی ہیڈ کوارٹر میں پیش ہونے کا کہا گیا ہے۔

پولیس حکام کا کہنا ہے کہ چیئرمین پی ٹی آئی عمران خان کو ان تمام مقدمات میں طلب کیا گیا ہے جن میں انہیں نامزد کیا گیا ہے۔

یہ بھی پڑھیے 

پنجاب حکومت کو 40 کروڑ روپے کا پرچم لہرانے کے اقدام کو مخالفت کا سامنا

طالبات کی فحش ویڈیوز کا معاملہ: پولیس کا کریک ڈاؤن، بہاولپور یونیورسٹی کے تین آفیسر گرفتار

مشترکہ تحقیقاتی ٹیم کی جانب سے سابق وزیراعظم کو یہ چوتھا سمن جاری کیا گیا ہے۔ وہ صرف ایک بار جے آئی ٹی کے سامنے پیش ہوئے ہیں۔

اس سے قبل عمران خان کے خلاف جے آئی ٹی ارکان کو پیشی کے دوران دھمکیاں دینے پر تھانہ قلعہ گجر سنگھ میں مقدمہ بھی درج کیا گیا تھا۔

جے آئی ٹی حکام کے مطابق جمعہ کو پیشی کے دوران پی ٹی آئی چیئرمین سے 9 مئی کے واقعات پر مزید سوالات کیے جائیں گے اور ان کے تحریری جوابات کو تحقیقات کا حصہ بنایا جائے گا۔

اس سے قبل جے آئی ٹی اب تک کی گئی تحقیقات کی بنیاد پر عمران خان کو 9 مئی کے پرتشدد واقعات میں مجرم قرار دے چکی ہے۔