پی ٹی آئی رہنما افتخار درانی کو گرفتار کرلیا، بیٹے کا دعویٰ
تحریک انصاف کے رہنما افتخار درانی کے بیٹے کا کہنا ہے کہ ان کے والد کو بغیر ایف آئی آر اور بغیر وارنٹ کے حراست میں لیا گیا۔
پی ٹی آئی رہنما افتخار درانی کو جمعرات کی رات ان کے گھر سے گرفتار کرلیا گیا ، ان کے بیٹے عماد درانی نے دعویٰ کیا ہے کہ پولیس نے انہیں رات دیر گئے تقریباً 1:30 بجے اپنی تحویل میں لیا تھا۔
افتخار درانی کے صاحبزادے عماد درانی نے دعویٰ کیا کہ ان کے والد کو بغیر کسی وارنٹ یا فرسٹ انفارمیشن رپورٹ (ایف آئی آر) کے گرفتار کیا گیا تھا۔
یہ بھی پڑھیے
چوہدری پرویز الہیٰ کی حفاظتی ضمانت کا معاملہ: سرکاری وکیل کی عدم پیشی پر سماعت ملتوی
9 مئی کے واقعات پر جے آئی ٹی نے عمران خان کو چوتھی بار طلب کر لیا
افتخار درانی کی گرفتاری پر ردعمل دیتے ہوئے رہنما تحریک انصاف فرخ حبیب سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ ” افتخار درانی کو دیر رات انکے گھر سے اٹھا لیا گیا گھروں کے دروازے توڑے جاتے ہے نہ خواتین کے تقدس کا خیال کیا جاتا ہے کوئی FIR کوئی warrant نہیں بس جنگل کا قانون ہے نظام انصاف کو بے بس کردیا گیا ہے۔‘‘
افتخار درانی کو دیر رات انکے گھر سے اٹھا لیا گیا گھروں کے دروازے توڑے جاتے ہے نہ خواتین کے تقدس کا خیال کیا جاتا ہے کوئی FIR کوئی warrant نہیں بس جنگل کا قانون ہے نظام انصاف کو بے بس کردیا گیا ہے pic.twitter.com/5E4LyFtI1T
— Farrukh Habib (@FarrukhHabibISF) August 3, 2023
پی ٹی آئی کی انفارمیشن ٹیم کا اہم حصہ رہنے والے افتخار درانی کا نام حال ہی میں ایک ویڈیو لیک ہونے کے بعد سامنے آیا تھا۔
عمران خان کی زیرقیادت پارٹی نے دعویٰ کیا ہے کہ پی ٹی آئی رہنماؤں کی گرفتاریوں کا سلسلہ دوبارہ شروع ہوگیا ہے۔ انہوں نے اپنے دعووں کو ثابت کرنے کے لیے مختلف ویڈیوز بھی شیئر کی ہیں۔
As KP bleeds again, the police has intensified their raids, arrests & enforced disappearances of leaders, members & supporters of Pakistan’s largest & only federal, democratic party, PTI.
This is #PakistanUnderFascism, where even children, women & elderly are being persecuted… pic.twitter.com/I4bRoLxPBi
— PTI (@PTIofficial) August 2, 2023
افتخار درانی کی گرفتاری کی مزمت کرتے ہوئے پی ٹی آئی رہنما زلفی بخاری نے کہا ہے کہ "آپ کو آدھی رات کو اغوا کر لیا جاتا ہے اور آپ پر کوئی کیس نہیں ہوتا اور آپ کے خاندان کو ہراساں کیا جاتا ہے. آج پاکستان میں یہ سب کچھ صرف ایک پارٹی کے خلاف ہوتا ہے۔‘‘
پاکستان تحریک انصاف کے سربراہ عمران خان نے افتخار درانی کی گرفتاری پر سماجی رابطوں کی ویب سائٹ ٹوئٹر پر پیغام شیئر کرتے ہوئے لکھا ہے کہ افتخار درانی کو بغیر کسی وارنٹ گرفتاری کے آدھی رات کو کیوں اٹھایا گیا؟ اس کا 9 مئی کے واقعے سے کوئی لینا دینا نہیں تھا۔‘‘
Why has Iftikhar Durrani been picked up in the middle of the night without any arrest warrant?
He had nothing to do with the 9th May incident.
So the crackdown against anyone who has anything to do with PTI continues.It should now be obvious that this oppression and clampdown…
— Imran Khan (@ImranKhanPTI) August 3, 2023
انہوں نے اپنے ٹوئٹ میں مزید لکھا ہے کہ "ہر اس شخص کے خلاف کریک ڈاؤن جاری ہے جس کا پی ٹی آئی سے کوئی تعلق ہے۔ اب یہ واضح ہو جانا چاہیے کہ پی ٹی آئی کے خلاف اس جبر اور پابندی کا 9 مئی کے واقعات سے کوئی تعلق نہیں ہے بلکہ ہر چیز کا تعلق پی ٹی آئی کو ختم کرنے کے لندن پلان سے ہے۔‘‘
