فرح خان نے عمر ظہور ، جیو نیوز اور شاہزیب خانزادہ کو 5 ارب روپے ہرجانے کا نوٹس بھیج دیا

سابق وزیر اعظم کی اہلیہ بشریٰ بی بی کی قریبی دوست فرح خان عرف فرح گوگی نے توشہ خانہ کے تحائف بیچنے کے الزامات پر دبئی میں مقیم کاروباری شخصیت عمر فاروق ظہور ، نجی نیوز چینل جیو ٹی وی اور اس کے اینکر شاہزیب خانزادہ کو 5 ارب روپے ہرجانہ کا قانونی نوٹس بھیج دیا۔

یاد رہے کہ رواں ماہ کے وسط میں ’جیو نیوز‘ کے اینکر پرسن شاہزیب خانزادہ کو انٹرویو دیتے ہوئے دبئی میں مقیم کاروباری شخصیت عمر فاروق ظہور نے الزام لگایا تھا کہ عمران خان کو سعودی ولی عہد محمد بن سلمان کی جانب سے تحفے میں دی گئی مہنگی گھڑی 20 لاکھ ڈالر میں فرح خان نے انہیں فروخت کی جس کی مالیت 2019 میں تقریباً 28 کروڑ روپے تھی۔

یہ بھی پڑھیے

وزیردفاع ملایعقوب نے حنا ربانی کھر سے ملاقات سے انکار کردیا، افغان میڈیا کادعویٰ

وزیراعظم سے آصف زرداری کی ملاقات ، صوبائی اسمبلیوں کی تحلیل روکنے کےلیے مشاورت

فرح خان کی جانب سے بھجوائے گئے قانونی نوٹس میں مؤقف اپنایا گیا ہے کہ 2019 میں فرح خان دبئی گئی ہی نہیں، عمر فاروق ظہور نے دیگر افراد کے ساتھ مل کر توشہ خانہ تحائف بیچنے کا جھوٹا الزام لگایا، شہرت اور ساکھ کو متاثر کرنے کے لیے من گھڑت اور بے بنیاد الزامات لگائے گئے۔

دبئی نژاد عمر فاروق شاہ زیب خانزادہ.اور جیو نیوز کو ہتک عزت نوٹس بھیج دیا گیا

ہتک عزت کا نوٹس عمران خان اور فرحت شہزادی بارے غلط من گھڑت خبر نشر کرنے پر بھیجا گیا ہے

عمر فاروق سے نہ کبھی ملاقات ہوئی نہ گھڑی بیچنے میں. فرحت شہزادی کا کوئی کردار ہے. متن pic.twitter.com/0dTqQ1HckR

— M Azhar Siddique 🧑‍💼 (@AzharSiddique) November 29, 2022

فرح خان کی جانب سے اپنے وکیل کے توسط سے ارسال کیے گئے قانونی نوٹس میں کہا گیا ہے کہ بدنیتی کی بنیاد پر ٹارگٹ کر کے فرح خان کے خلاف پروپیگنڈا کیا گیا۔

فرح خان نے نوٹس میں 7 روز کے اندر دبئی میں مقیم کاروباری شخصیت عمر فاروق ظہور ، نجی نیوز چینل جیو ٹی وی اور اور اس کے اینکر شاہزیب خانزادہ سے جھوٹے الزامات لگانے پر غیر مشروط معافی مانگنے کا مطالبہ کیا ہے۔

قانونی نوٹس میں کہا گیا ہے کہ غیر مشروط معافی مانگنے کے ساتھ ساتھ شہرت متاثر کرنے پر 5 ارب روپے بھی ادا کیے جائیں۔

خیال رہے کہ رواں ماہ کے وسط میں ’جیو نیوز‘ کے اینکر پرسن شاہزیب خانزادہ کو انٹرویو دیتے ہوئے دبئی میں مقیم کاروباری شخصیت عمر فاروق ظہور نے دعویٰ کیا تھا کہ عمران خان کو سعودی ولی عہد محمد بن سلمان کی جانب سے تحفے میں دی گئی ایک مہنگی گھڑی 20 لاکھ ڈالر میں انہیں فروخت کی جس کی مالیت 2019 میں تقریباً 28 کروڑ روپے تھی۔ انہوں نے کہا تھا کہ ’مارچ 2019 میں سابق وزیر احتساب شہزاد اکبر نے کہا کہ ان کے پاس گھڑیوں کا ایک سیٹ ہے اور اگر میں دلچسپی رکھتا ہوں تو میں فرح خان (عمران خان کی اہلیہ بشریٰ بی بی کی قریبی دوست) سے رابطہ کروں کیونکہ انہیں مدد کی ضرورت ہے اور ان اثاثوں کے لیے کوئی خریدار نہیں مل رہا ہے‘۔

عمر فاروق ظہور نے انٹرویو میں دعویٰ کیا کہ انہوں نے دبئی میں فرح خان سے ملاقات کی جنہوں نے انہیں بتایا کہ یہ گھڑی سعودی شہزادے نے عمران خان کو تحفے میں دی تھی اور وہ عمران خان اور ان کی اہلیہ کی جانب سے یہ چیزیں بیچنا چاہتی ہیں۔