پی ٹی آئی کے سینئر رہنما علی زیدی کو کراچی سے گرفتار کرلیا گیا

پاکستان تحریک انصاف کے سینئر رہنما اور سابق وفاقی علی زیدی کو کراچی سے گرفتار کرلیا گیا ہے۔ علی زیدی کو بغیر وارنٹ کے گرفتار کیا گیا ہے۔ پولیس حکام کا کہنا ہے کہ علی زیدی کو فراڈ کیس میں درج ایف آئی آر میں گرفتار کیا گیا ہے۔

تفصیلات کے مطابق پاکستان تحریک انصاف (پی ٹی آئی) کے سینئر ترین رہنما اور سابق وفاقی علی زیدی کو سادہ لباس پولیس اہلکاروں نے انہیں ان کے آفس کے باہر سے گرفتار کیا ہے۔

یہ بھی پڑھیے 

پنجاب اور کےپی میں انتخابات وقت پر نہ ہوئے تو عوامی انقلاب آئے گا، فواد چوہدری

کوئی احمق ہی انتخابات اکتوبر سے آگے لے جانے کی بات کرسکتا ہے، آصف زرداری

میڈیا رپورٹس کے مطابق جب علی زیدی کو سادہ لباس اہلکار گرفتار کررہے تھے تو اس وقت پولیس کی بھاری نفری بھی ان کے ساتھ تھی۔

پولیس حکام کا کہنا ہے کہ علی زیدی کو گذشتہ روز درج مقدمے میں گرفتار کیا گیا ہے ، مقدمہ ابراہیم تھانے میں درج کیا گیا تھا۔ علی زیدی پر 17 کروڑ روپے کے فراڈ کا الزام ہے۔ ضلع ملیر پولیس نے علی زیدی کو حراست میں لیا ہے۔

میڈیا رپورٹس کے مطابق علی زیدی کو کراچی پولیس نے گرفتاری کے بعد نامعلوم مقام پر منتقل کردیا ہے۔

پاکستان تحریک انصاف کے سینئر رہنما فواد چوہدری اور فرخ حبیب نے سماجی رابطوں کی ویب سائٹ ٹوئٹر پر علی زیدی کی گرفتاری کی ویڈیو جاری کرتے ہوئے سندھ حکومت کے اس اقدام کی شدید مذمت کی ہے۔

تحریک انصاف کے صدر علی زیدی کو بغیر کسی وارنٹ کے گرفتار کیا گیا ہے، ظلم اور جبر کا یہ نظام کسی طور قبول نہیں #آئین_بچاؤ_ملک_بچاؤ pic.twitter.com/TTD16ECiRU

— Ch Fawad Hussain (@fawadchaudhry) April 15, 2023

سابق گورنر سندھ عمران اسماعیل نے علی زیدی کی  گرفتاری کی فوٹیج سوشل میڈیا پر شیئر کرتے ہوئے لکھا ہے کہ "یہ ہے حکومت کی جمہوریت، فاششت لوگ- یہ ہمارا سندھ کا صدر ہے کوئی چور ڈاکو نہیں- کمال یہ ہے کہ ڈاکو ہم کو گرفتار کر رہے ہیں-

یہ ہے حکومت کی جمہوریت، فاششت لوگ- یہ ہمارا سندہ کا صدر ہے کوئ چور ڈاکو نہیں- کمال یہ ہے کہ ڈاکو ہم کو گرفتار کر رہے ہیں- pic.twitter.com/br6S57Tz4r

— Imran Ismail (@ImranIsmailPTI) April 15, 2023

فردوس شمیم نقوی کے مطابق پاکستان تحریک انصاف سندھ کے صدر علی زیدی کو سندھ ہاؤس سے سندھ پولیس نے گرفتار کرلیا، سندھ حکومت کے لیے شرم سے ڈوب مرنے کا مقام ہے۔

فردوس نقوی نے الزام عائد کیا کہ سندھ ہاؤس ڈی ایچ اے میں پولیس نے توڑ پھوڑ کی، نہ ایف آئی آر دیکھائی نا کچھ بتایا جس نے ویڈیو بنائی اس کا موبائل توڑدیا۔