محکمہ موسمیات نے سندھ کے بیشتر علاقوں میں بارشوں کی پیشگوئی کردی
حکام کا کہنا ہے اگلے 24 گھنٹوں کے دوران سندھ کے بیشتر علاقوں میں گرج چمک کے ساتھ بارش متوقع ہے۔
![بارش کی پیش گوئی](https://news360.tv/wp-content/uploads/2022/07/کراچی-بارش-3.jpg)
کراچی: محکمہ موسمیات نے صوبہ سندھ کے بیشتر علاقوں میں آئندہ 24 گھنٹوں کے دوران گرج چمک کے ساتھ بارش کی پیش گوئی کی ہے۔
محکمہ موسمیات کے حکام کے مطابق سکھر، خیرپور، گھوٹکی، لاڑکانہ، میرپورخاص، سانگھڑ، تھرپارکر، عمرکوٹ، کشمور اور ان کے گردونواح میں گرج چمک کے ساتھ بارش متوقع ہے ، تاہم صوبے کے باقی علاقوں میں موسم خشک رہے گا۔
یہ بھی پڑھیے
سندھ کی آبادی 2050 تک 9کروڑ 57 لاکھ تک پہنچ جائے گی
کراچی کا ورثہ نشانے پر، فریئر ہال کے بعد ایک اور تاریخی عمارت سرنگاتی کو نقصان
محکمہ موسمیات کے مطابق گذشتہ روز کراچی میں کم سے کم اور زیادہ سے زیادہ درجہ حرارت 36-38 ڈگری سینٹی گریڈ ریکارڈ کیا گیا۔
حیدرآباد 35-37 ڈگری سینٹی گریڈ؛ سکھر 37-39 ڈگری سینٹی گریڈ؛ ٹھٹھہ 36-38 ڈگری سینٹی گریڈ؛ موہنجوداڑو 36-38 ڈگری سینٹی گریڈ ریکارڈ کیا گیا۔
جبکہ دادو میں 35-37 ڈگری سینٹی گریڈ؛ مٹھی 39-41 ڈگری سینٹی گریڈ؛ اور نوابشاہ میں 35-37 ڈگری سینٹی گریڈ ریکارڈ گیا۔