میئر کراچی انتخاب؛ عمران خان کی ہدایت کے باوجود پی ٹی آئی کے چیئرمینز مخمصے کا شکار

پاکستان پیپلزپارٹی (پی پی پی) نے 9 مئی کے بعد ملک کی موجودہ سیاسی صورتحال  کو مدنظر رکھتے ہوئے اپنی حکمت عملی اور سرکاری مشینری کے استعمال سے مرتضیٰ وہاب کو میئر کراچی منتخب کرنے کی انتظامات پورے کرلیے۔

پیپلزپارٹی نے موجودہ سیاسی صورتحال کو مدنظر رکھتے ہوئے تحریک انصاف کے منتخب یونین کونسل (یو سی) چیئرمینز کو کراچی کے میئر سے انتخابی عمل سے دور ہونے پر مجبور کردیا۔

یہ بھی پڑھیے

 پیپلز پارٹی کی پی ٹی آئی سے التجائیں؛ میئر کراچی کیلئے حمایت مانگ لی

کراچی سے منتخب یونین کونسل کے چیئرمینز نے میئر کراچی کے انتخابات میں حصہ نہ لینے کا فیصلہ کیا ہے۔ ارکان نے پارٹی قیادت کے فیصلے کو عدم مشاورت کا نتیجہ قرار دیا ۔

میئر کراچی کے امیدوار حافظ نعیم الرحمان نے چند روز قبل عمران خان سےزمان پارک میں ملاقات کی جس میں سابق وزیراعظم نے میئر کراچی کے لیے ان کی حمایت کی ۔

چیئرمین  پی ٹی آئی عمران خان نے اعلان کیا تھا کہ تحریک انصاف کے تمام منتخب بلدیاتی نمائندے  جماعت اسلامی کے میئر کے امیدوار حافظ نعیم الرحمان کو ووٹ دیں گے ۔

عمران خان کی ہدایت کے باوجود پی ٹی آئی کے 42 یوسی چیئرمینز نے کراچی کے میئر کے انتخاب کے بائیکاٹ کا اعلان کیااور کہاکہ پارٹی چیئرمین نے ہم سے مشاورت نہیں کی ۔

ذرائع کے مطابق تحریک انصاف کے 24 یوسی چیئرمین اوروائس چیئرمینز نے میئر کے انتخاب کے موقع پر غیرجانبدار رہنے کا فیصلہ کیا جس سے پیپلز پارٹی کو فائدہ پہنچے گا ۔

نجی نیوز چینل سے منسلک رپورٹر فیض اللہ سواتی نے کہا ہے کہ جماعت اسلامی کے امیدوار کو ووٹ نہ دینے کا اعلان کرنے والے اسد امان کچھ دن قبل لاپتہ ہوگئے تھے ۔

حافظ نعیم الرحمن کو ووٹ نہ دینے کا اعلان کرنے والے اسد امان کچھ دن پہلے لاپتہ ہوئے انکے بھائی نے پولیس سے رجوع کیا آج ٹی وی پہ دیکھ کر انکے بھائی نے کہا کہ وہ نہیں جانتے کہ اسد امان کہاں ہیں نمبر بند ہیں کوئی رابطے کا زریعے نہیں ویڈیو میں دوسرے نمائندے سلمان بھی ہیں جو لاپتہ رہے pic.twitter.com/fsSj84kBDp

— Faizullah Khan فیض (@FaizullahSwati) June 12, 2023

فیض اللہ سواتی نے ایک درخواست کا عکس شیئر کیا  جس میں اسد امان کے بھائی نے پولیس کو اپنے بھائی کے لاپتہ ہونے کی اطلاع اور انہیں بازیاب کرنے کا مطالبہ کیا تھا ۔

فیض اللہ نے دعویٰ کیا ہےکہ اسد امان کے بھائی کا کہنا ہےکہ اج اپنے بھائی کو ٹی وی دیکھا مگر مجھے نہیں معلوم وہ کہاں ہیں جبکہ ایک اور منتخب نمائندہ سلمان بھی لاپتہ ہے ۔

یوسی چیئرمین اسد امان نےکہا کہ ہم چیئرمین تحریک انصاف کے ساتھ تھے، ہیں اور رہیں گے، پیپلزپارٹی کے خلاف تھےاور ہیں مگر جماعت اسلامی کو ووٹ نہیں دیں گے۔

پاکستان تحریک انصاف سندھ کے صدر حلیم عادل شیخ نے کہا ہے کہ ہم پارٹی چیئرمین عمران خان کے فیصلے پر عمل کرتے ہوئے جماعت اسلامی کے نمائندے کو ووٹ دیں گے ۔

الٹی گنگا بہ رہی ہے ۔ سورج آج نا جانے کہاں سے نکلا ہے کہ میری دوڈھائ مہینہ پرانی وڈیو پیپلزپارٹی کے سوشل سے وائرل کی جارہی ہے ۔ چئیرمین عمران خان صاحب کی ہدایت پر پی ٹی آئی نے کراچی کے مئیر اور ڈپٹی مئیر کے الیکشن میں جماعت اسلامی کے امیدوار حافظ نعیم الرحمٰن کی غیر مشروط حمایت… pic.twitter.com/KOxNNlSK8K

— PTI (@PTIofficial) June 12, 2023

حلیم عادل شیخ کا کہنا تھا کہ چیئرمین عمران خان کی ہدایت پر عمل کرتے ہوئے حافظ نعیم الرحمان کو ووٹ دیں گے اور جس نے انہیں ووٹ نہیں دیا اسے نااہل کروائیں گے

تحریک انصاف کے بلدیاتی منتخب نمائندے9 مئی کے بعد کی صورتحال سے بہت پریشان ہیں جبکہ سینئر قیادت کی جانب سے پارٹی کے علیحدگی کے بعد بے یقینی بھی بڑھ گئی ۔