چیئرمین سکھر ڈسٹرکٹ کونسل کی پولیس ، رینجرز اور انتظامیہ کو محرم کے دوران سخت سیکورٹی کی ہدایت
سید کمیل حیدر شاہ کا کہنا ہے کہ امن امان کو قائم رکھنے کیلئے سیکیورٹی کے بہتر سے بہتر انتظامات کئے جائے تاکہ کوئی خوشگوار واقعہ رونماء نا ہو۔
چیئرمین سکھر ڈسٹرکٹ کونسل سید کمیل حیدر شاہ نے 5 محرم الحرام پرانہ سکھر سے برآمد ہونے والے تین سو سالا قدیم تاریخی ماتمی جلوس کے روٹ کا دورہ کیا، اور سیکورٹی معاملات سمیت دیگر انتظامات کا جائزہ لیا۔
تفصیلات کے مطابق ڈسٹرکٹ چیئرمین سید کمیل حیدر شاہ نے پرانہ سکھر میں قدیم و تاریخی ماتمی جلوس کے منتظمین سے ملاقات کرکے ماتمی جلوس کی گزر گاہوں کا دورہ کیا۔
اس موقع پر ایس ایس پی سکھر سنگھار ملک، ڈپٹی کمشنر سکھر شہزاد طاہر تھیم ، کمشنر میونسپل کارپوریشن محمد علی شیخ، رینجرز کے افسران اور متعلقہ محکموں کے افسران انکے ہمراہ موجود تھے۔
یہ بھی پڑھیے
سکھر میں سیوریج کا نظام درہم برہم: شہر کی مشہور سڑکیں تالاب کا منظر پیش کرنی لگیں
محکمہ موسمیات کی 25 اور 26 جولائی کو کراچی میں گرج چمک کے موسلادھار بارش کی پیشگوئی
ایس ایس پی سکھر سنگھار ملک نے ڈسٹرکٹ چیئرمین سید کمیل حیدر شاہ کو تاریخی ماتمی جلوس پر سیکورٹی سے متعلق بریفنگ دی، جبکہ ڈپٹی کمشنر اور میونسپل کمشنر نے ماتمی جلوس کی گزرگاہوں پر کئے جانے والے انتظامات کے حوالے سے تفصیلات بتائیں۔
اس موقع پر چیئرمین سکھر ڈسٹرکٹ کونسل سید کمیل حیدر شاہ کا تمام افسران کو تاریخی ماتمی جلوس کی سیکورٹی سمیت دیگر انتظامات کو بہتر سے بہتر کرنے کی ہدایت کرتے ہوئے کہنا تھا کہ محرم الحرام انتہائی عقیدت و احترام کا مہینہ ہے ہم سب کا فرض ہے اس مہینے میں زیادہ سے زیادہ عزاداران حسین کی خدمت کریں اور انہیں تمام سہولیات فراہم کریں امن امان کو قائم رکھنے کیلئے سیکیورٹی کے بہتر سے بہتر انتظامات کئے جائے تاکہ کوئی خوشگوار واقعہ رونماء نا ہو۔
