سکھر انتظامیہ کی نااہلی: شہر بھر کے تفریحی پارک اجڑنے لگے

سکھر انتظامیہ کی غفلت ، تفریحی پارک اجڑنے لگے ، قاسم پارک ، لب مہران سمیت دیگر پارکوں میں جاری ترقیاتی کام  التواء کا شکار ، ناقص انتظامات کے سبب لوگ آنے سے گریزاں ہیں۔ شہریوں کا کہنا ہے انتظامیہ تفریحی سہولیات فراہم کرنے کیلئے موثر اقدامات کرے۔

تفصیلات کے مطابق سکھر میں ضلعی انتظامیہ کی غفلت اور منتخب نمائندوں کی عدم توجہی کے باعث سندھ کے تیسرے بڑے شہر سکھر میں قائم تفریحی پارک اجڑ رہے ہیں۔

یہ بھی پڑھیے

ناظم جوکھیو کی والدہ نے پی پی رہنما جام اویس کے ساتھ تصفیے کی تردید کر دی

حکومت تبدیل کرو یا شوہر تبدیل کرو، سیلاب زدہ خواتین کی حامد میر سے فرمائش

محمد بن قاسم پارک ، لب مہران اور لطیف پارک سمیت دیگر علاقوں میں خطیر رقم سے ازسرنو تعمیرات و بچوں کے جھولوں سمیت چار دیواری بھی ٹوٹ پھوٹ کا شکار دیکھائی دیتی ہے۔

تفریحی مقامات پر ناقص انتظامات کے سبب گندگی کے ڈھیربھی انتظامیہ کی کارکردگی کا منہ بولتا ثبوت پیش کررہے ہیں۔

شہریوں کے مطابق سندھ کے تیسرے بڑے شہر میں لوگوں کو تفریح مہیا کرنے کیلئے بنائے جانے والے تفریحی مقامات کی صورتحال انتہائی خراب ہے جس کے باعث لوگوں نے ان مقامات کا رخ کرنا چھوڑ دیا ہے اور وہ اپنی فیملی کے ہمراہ شہر سے باہر قائم تفریحی مقامات کی طرف جانے پر مجبور ہیں۔

شہری اور سماجی حلقوں نے اعلیٰ حکام سے مطالبہ کیا ہے کہ عوام کو تفریحی سہولیات کی فراہمی کیلئے موثر اقدامات کیے جائیں۔