کراچی میں غیرقانونی رہائش پذیر تارکین وطن کو واپس بھیجنے کا فیصلہ
کراچی میں روز بروز امن و امان اور اسٹریٹ کرائمز کی بگڑتی صورتحال پر وزیر اعلیٰ سندھ جاگ گئے ، پولیس اور رینجرز کو ان کا قلع قمع کرنے کی ہدایت جاری کردیں، وزیر اعلیٰ سندھ نے کہا کہ کراچی میں غیر قانونی طور پر رہائش پذیر غیر ملکی شہری جرائم کی وارداتوں میں ملوث ہیں انہیں جلد واپس بھیجا کائے گا اس حوالے سے وفاق سے بھی بات کی جائے گی
وزیراعلیٰ سندھ سید مراد علی شاہ کی زیر صدارت کراچی سمیت صوبے بھر میں امن و امان کی روز بروز بگڑتی صورتحال کے حوالے سے اجلاس ہوا جس میں چیف سیکرٹری، آئی جی سندھ، ڈی جی رینجرز اور دیگر افسران نے شریک ہوئے۔
وزیراعلیٰ سندھ مراد علی کی زیرصدارت امن امان سے متعلق اہم اجلاس میں چیف سیکرٹری سندھ سہیل راجپوت، ڈی جی رینجرز میجر جنرل اظہر، آئی جی سندھ غلام نبی میمن، ایڈیشنل آئی جی سی ٹی ڈی عمران یعقوب نے شرکت کی ۔
یہ بھی پڑھیے
قانون نافذ کرنے والے ادارے اسٹریٹ کرائمز پر قابو پانے میں بری طرح ناکام ہیں، کے سی سی آئی
وزیراعلیٰ ہاؤس میں امن و امان سے متعلق اجلاس میں وزیراعلیٰ سندھ کے پرنسپل سیکریٹری فیاض جتوئی، ایڈیشنل آئی جی اسپیشل برانچ خادم رند سمیت دیگر اعلیٰ افسران اور صوبائی انٹیلی جنس ایجنسیوں کے سربراہان نے بھی شرکت کی ۔
Sindh CM Syed Murad Ali Shah presiding over meeting on law & order decides:
Launching of intelligence-based operation;
Intensifying police, Rangers patrolling,
Strict vigilance at hotspots;
Developing close coordination among intel. agencies,
Using technology to reach criminals. pic.twitter.com/f4zX1g1o5Y— Sindh Chief Minister House (@SindhCMHouse) December 22, 2022
اجلاس کے شرکاء سے خطاب میں وزیراعلیٰ سندھ سید مراد علی شاہ نے قانون نافذ کرنے والے اداروں کو دہشتگردوں کے خلاف ٹارگٹڈ آپریشنز تیز کرنے اور شہر قائد سے اسٹریٹ کرمنلز کے خاتمے کو یقینی بنانے کی ہدایت دی۔
وزیراعلیٰ سندھ مراد علی شاہ نے کہا کہ دہشتگرد تنظیمیں اور اسٹریٹ کرمنلز دو بڑے خطرات ہیں جبکہ کالعدم تنظیمیں مستقل خطرہ ہیں اس لیے ان کے خلاف موثر اور انٹیلی جنس پر مبنی آپریشن شروع کیا جانا چاہیے۔
سید مراد علی شاہ نے کہا کہ اسٹریٹ کرمنلز نے کراچی کے شہریوں میں خوف اور بے چینی پیدا کررکھی ہے اور ان کی تعداد اتنی زیادہ نہیں کہ ان کا صفایا نہ کیا جاسکے۔ انہوں نے رینجرز کو پیٹرولنگ بڑھانے کی ہدایت دی ۔
انہوں نے کہا کہ میں چاہتا ہوں کہ پولیس اور رینجرزاسٹریٹ کرمنلز کے خلاف آپریشن شروع کرنے کیلئے ایک منصوبہ تیار کریں اور ایسے مقامات جہاں پر وارداتیں زیادہ ہوتی ہیں وہاں پر فورسز کی تعیناتی کو یقینی بنائیں ۔
وزیراعلیٰ سندھ نے کہا کہ اسٹریٹ کرمنلز نےرواں ماہ دسمبر میں سات افراد کو قتل کیا جوکہ ناقابل قبول اورحکومت کیلئے ایک چیلنج ہے۔ اس لیے میں چاہتا ہوں کہ پولیس اور رینجر مل کر اس خوف کا خاتمہ کریں۔
وزیراعلیٰ سندھ مراد علی شاہ نے اجلاس کے شرکاء کے ساتھ مشاورت سے پولیس سمیت تمام انٹیلی جنس ایجنسیوں کے درمیان قریبی کوآرڈینیشن پر زور دیا تاکہ حساس معلومات پر فوری کارروائی شروع کی جاسکے۔
وزیراعلیٰ سندھ کوبریفنگ میں بتایا گیا کہ صوبے میں کالعدم تنظیمیں اتنی مضبوط نہیں ہیں تاہم ان کی نقل و حرکت پر کڑی نگرانی رکھی جائے گی۔وزیراعلیٰ نے شہر کے داخلی اور خارجی راستوں کی کڑی نگرانی کا حکم دیا ۔
بریفنگ میں بتایا گیا کہ رواں سال میں دہشتگردوں اوراسٹریٹ کرمنلز کے ساتھ 2258 مقابلے ہوئے جس میں 1259 گینگز کا قلع قمع کیا گیا جبکہ 16612 جرائم پیشہ افراد کو گرفتار کیا گیا اور 204 جرائم پیشہ افرادمارے گئے۔
یہ بھی پڑھیے
کراچی میں اسٹریٹ کرائمز 5 ماہ کی بلند ترین سطح پر
وزیراعلیٰ سندھ مراد علی شاہ نے سٹی پولیس کو اسٹریٹ کرمنلز کے خاتمے اورانکے خلاف جارحانہ کارروائیاں شروع کرنے کی ہدایت دی اور15 دن میں نتائج کے حوالے سے جائزہ اجلاس منعقد کیا جائے گا۔
اجلاس میں سندھ بھر میں غیر قانونی طور پر آنے والے غیرملکیوں کو واپس بھیجنے کا فیصلہ کیا گیا ہے۔ وزیراعلیٰ سندھ نے کہاکہ غیرقانونی تارکین وطن کی آمد کا معاملہ وفاقی حکومت کے ساتھ اٹھائیں گے ۔
