سیاست سے کنارہ کشی اختیار کرنے کا سوچ رہا ہوں، ندیم افضل چن

پاکستان پیپلز پارٹی کے سینئر رہنما ندیم افضل چن نے کہا ہے کہ میں سنجیدگی سے سیاست سے علیحدگی اختیار کرنے کا سوچ رہا ہوں ، محسن نقوی بےبس ہیں تگڑے وزیراعلیٰ نہیں ہیں ، پنجاب میں بیوروکریسی کی زیادہ چلتی ہے اور یہ ساری کی ساری ن لیگ کی ہے۔ پنجاب میں اس وقت اینٹی نواز شریف ووٹ کی اکثریت ہے۔

ان خیالات کا اظہار رہنما پی پی ندیم افضل چن کا اے آر وائی کے رپورٹر نعیم اشرف بٹ سے گفتگو کرتے ہوئے کیا۔ ندیم افضل چن کا کہنا تھا کہ میرے والد صاحب کی گرفتاری کی وجہ شائد وہ میٹنگ تھی جس میں میں نے پیپلز پارٹی کی قیادت کو مشورہ دیا تھا کہ وہ پنجاب میں ن لیگ کی جائے پی ٹی آئی سے سیٹ ایڈجسٹمنٹ کرلے ، کیونکہ اس وقت پنجاب میں نواز شریف مخالف ووٹوں کی اکثریت ہے۔ اگر پیپلز پارٹی کا امیدوار تگڑا ہوا تو اسے اینٹی نواز شریف ووٹ ملے گا۔

یہ بھی پڑھیے 

مریم نواز نے عمران خان کو غیر ملکی طاقتوں سے مدد مانگنے کا طعنہ دے دیا

سابق وزیراعظم عمران خان کے پرنسپل سیکریٹری اعظم خان گذشتہ رات سے لاپتہ

ان کا کہنا تھا کہ مختلف رائے ہے میرے والد صاحب کو سیاست چھوڑے ہوئے بھی 15 سال ہو گئے ہیں ، وہ مجھے اور تمام بچوں کو بھی یہی مشورہ دیتے ہیں کہ سیاست چھوڑ دیں۔ والد صاحب کہتے ہیں کہ سیاست اب عزت کا ذریعہ نہیں رہ گئی۔ اس لیے اب میں سنجیدگی سے سوچ رہا ہوں کہ سیاست چھوڑ دوں۔

ندیم افضل چن بھی سیاست سے مایوس ہوگئے۔کہا۔سنجیدگی سے سیاست چھوڑنے کا سوچ رہا ہوں۔جمہوریت، رول آف لاء اور لوگوں کی لیے کچھ کر نہیں پار ہے۔میرے والد کی گرفتاری کی وجہ شائد۔PPPمیٹنگ میں میرا یہ کہنا تھاکہ نون کی بجائے PTIسے اتحاد کریں۔اسوقت پنجاب میں اینٹی نواز ووٹ کی اکثریت ہے۔ pic.twitter.com/Fu1YJa0u0S

— Naeem Ashraf Butt (@NaeemAshrafBut2) June 17, 2023

ان کا کہنا تھا کہ میں جمہوریت ، رول آف لاء اور لوگوں کے لیے کچھ نہیں کرپارہا ، جس طرح سے مجھے کرنا چاہیے۔

استحکام پاکستان پارٹی کے حوالے سے گفتگو کرتے ہوئے ندیم افضل چن کا کہنا تھا کہ آئی پی پی میں زیادہ تر ووٹ لوگ ہیں جن کی عوام میں کوئی اہمیت نہیں ہے۔