شہباز شریف کی ہدایت پر مسلم لیگ (ن) کا ملک گیر ورکرز کنونشنز منعقد کرنے کا اعلان
وزیراعظم کی ہدایت کے بعد مسلم لیگ (ن) کی لاہور کی قیادت کی جانب سے ورکرز کنونشنز کا شیڈول جاری کردیا گیا ہے۔
مسلم لیگ (ن) کے صدر اور وزیراعظم شہباز شریف نے ورکرز کو متحرک کرنے کا فیصلہ کر لیا، ن لیگ کی جانب سے جلسوں کا شیڈول جاری کردیا گیا۔
مسلم لیگ (ن) نے ملک گیر ورکرز کنونشن کا سلسلہ شروع کرنے کا فیصلہ کیا ، اور اس سلسلے میں پاکستان مسلم لیگ (ن) کی جانب سے کنونشنز کا شیڈول بھی تیار کر لیا گیا۔
یہ بھی پڑھیے
میری اسمبلی سے نکلنے کی تیاری دسمبر میں ہو جائے گی، عمران خان
ورکرز کونشنز مرحلہ وار ہوں گے اور اس حوالے سے صوبائی عہدیداروں کو ہدایات بھی جاری کر دی گئی ہیں۔
مسلم لیگ ن نے 11 سے 17 دسمبر تک ملک گیر ورکر کنونشنز کے انعقاد کا شیڈول جاری کیا ہے جس کے مطابق آج راولپنڈی ، سیالکوٹ ، شیر گڑھ ، مردان میں کنونشنز ہوں گے۔
13 دسمبر کو اسلام آباد میں ورکرز کنونشنز ہو گا جس کی ذمہ داری طارق فضل چوہدری کو تفویض کی گئی ہے۔
لاہور میں 14 دسمبر کو ورکرز کنونشن ہوگا، وزیراعظم میاں شہباز شریف کی جانب سے لاہور ورکرز کنونشن کے انتظامات کی ذمہ داری جنرل سیکرٹری مسلم لیگ ن لاہور خواجہ عمران نذیر کودی گئی۔
خواجہ عمران نذیر کا کہنا ہے کہ لاہور مسلم لیگ (ن) کا قلعہ ہے اور ورکرز کنونشن میں کارکنان کی بڑی تعداد شرکت کرے گی۔
15 دسمبر کو شیخوپورہ میں ورکرز کنونشن ہوگا جس کے انتظامات میاں جاوید لطیف دیکھیں گے۔
16 دسمبر کو قصور میں ملک احمد خان ورکرز کنونشن کے انتظامات کریں گے۔
17 دسمبر کو فیصل آباد میں ورکرز کونشن ہوگا، وفاقی وزیر داخلہ رانا ثناءاللہ خان کنونشن کی میزبانی کریں گے۔
