چین نے 2 ارب 30 کروڑ ڈالر قرض ری فنانس کرنے پر اتفاق کرلیا، مفتاح اسماعیل
چینی بینکوں کے ڈیپازٹ سے زرمبادلہ ذخائر میں بہتری آئےگی
وفاقی وزیرخزانہ مفتاح اسماعیل نے کہا ہے کہ چین نے پاکستان کا 2 ارب 30 کروڑ ڈالر قرض ری فنانس کرنے پر اتفاق کرلیا ہے۔ ان کا کہنا ہےکہ چینی بینکوں کے ڈیپازٹ سے زرمبادلہ ذخائر میں بہتری آئےگی۔
سماجی رابطے کی ویب سائٹ ٹوئٹر پر اپنے ایک پیغام میں وفاقی وزیر خزانہ مفتاح اسماعیل نے بتایا کہ پاکستان کا چین کے ساتھ 2 ارب 30 کروڑ ڈالرکے قریب بینک ڈیپازٹ کی ری فنانسنگ پر اتفاق ہوگیا ہے جبکہ قرض کی واپسی کو مؤخر کرنےکی شرائط بھی طے پا گئی ہیں اور چین سے بہت جلد 2 ارب 30 کروڑ ڈالر ملنےکا امکان ہے۔
یہ بھی پڑھیے
موڈیز نے پاکستان کی معاشی آوٹ لک مستحکم سے منفی کردی
وفاقی وزیر خزانہ مفتاح اسماعیل نے اپنے ٹوئٹر ہینڈل پر لکھا کہ چائنا کی ری فنانسنگ سے ہمارے زرمبادلہ کے ذخائر کو بڑھانے میں مدد ملے گی۔ دونوں اطراف سے کچھ معمول کی منظوریوں کے بعد جلد ہی آمد متوقع ہے۔
Good News: The terms and conditions for refinancing of RMB 15 billion deposit by Chinese banks (about US$ 2.3 billion) have been agreed. Inflow is expected shortly after some routine approvals from both sides. This will help shore up our foreign exchange reserves.
— Miftah Ismail (@MiftahIsmail) June 2, 2022
توقع کی جارہی ہے کہ چینی بینکوں کے ساتھ معاہدے سے زرمبادلہ کے ذخائر کو تقویت ملے گی اور ملک کو درآمدی ادائیگیاں کرنے کے قابل بنائے گا جبکہ روپے کو کچھ سہارا دینے کے ساتھ ساتھ مالی سال 2021-22 کے آغاز سے اب تک اس میں 25 فیصد سے زیادہ کی کمی واقع ہوئی ہے۔
اس سے قبل سعودی عرب نے پاکستان کے لیے تین ارب ڈالر واپسی کی مہلت بڑھانے کا اعلان کر دیا۔سعودی وزیر خزانہ شہزادہ محمد الجدان نے ورلڈ اکنامک فورم کے اجلاس کے دوران بتایا تھا کہ کہ پاکستان کو دئیے گئے تین ارب ڈالرز ڈپازٹ کی مدت میں توسیع کر رہے ہیں۔
