ایلون مسک کے مذاق سے فٹ بال کلب مانچسٹریونائیٹڈ کو مالی بحران کا سامنا

دنیا کے امیرترین شخص ایلون مسک کے مذاق نے فٹ بال کلب مانچسٹر یونائیٹڈ کو مالی بحران کا شکار بنا ڈالا۔ ایلون مسک نے انگلش فٹ بال کلب مانچسٹر یونائیٹڈ کے حصص خریدنے کا اعلان کیا جس سے شائقین  میں خوشی کی لہر ڈور گئی  تاہم کچھ دیر بعد انہوں نے اسے مذاق قرار دے دیا ۔

ایلون مسک نے ٹوئٹر پراپنے پیغام میں کہا تھا کہ میں ریپبلکن پارٹی کے بائیں نصف اور ڈیموکریٹک پارٹی کے دائیں نصف کی حمایت کرتا ہوں جبکہ   اس کے علاوہ مانچسٹریونائیٹڈ (یوآر) بھی خرید رہا ہوں ۔

یہ بھی پڑھیے

ایلون مسک کا خلائی کھلونے بنانے کا اعلان، باربی ڈول خلامیں بھیجی جائے گی

دنیا کے سب سے کامیاب فٹ بال کلبزمیں سے ایک "ریڈ ڈیولز” انگلینڈ کی پریمیئر لیگ  سست ترین ٹیم  بنتی جا رہی ہے ۔ 10 سال کے دوران کلب کے 8 کوچز تبدیل  ہوچکے ہیں۔ شائقین اور سرمایہ کاروں نے کہا ہے کہ اب وقت آگیا ہے کہ کلب بیچ دیا جائے ۔

To be clear, I support the left half of the Republican Party and the right half of the Democratic Party!

— Elon Musk (@elonmusk) August 16, 2022

کلب کے کچھ شائقین نے مالکان کی جانب سے  سرمایہ کاری نہ کرنے پر ٹوئٹر پر ایلون مسک کو مشورہ دیا کہ وہ کلب خریدنے پر غور کریں جس پر مسک نے کلب  خریدنے کا اعلان کیا  جسے 5 لاکھ افراد نے پسند کیا۔

الیکٹرک کار بنانے والی کمپنی ٹیسلا کے  مالک ایلون مسک  نے اپنے پیغام کے کچھ دیر بعد واضح کیا کہ وہ صرف اس وقت مذاق کر رہے تھے جب انہوں نے ٹوئٹر پر مانچسٹر یونائیٹڈ کو خریدنے کے  اظہار کیا تھا ۔

Also, I’m buying Manchester United ur welcome

— Elon Musk (@elonmusk) August 17, 2022

مسک نے کہا کہ یہ ٹویٹر پر ایک طویل عرصے سے چلنے والا مذاق ہے۔ میں کوئی کھیلوں کی ٹیمیں نہیں خرید رہا ہوں۔ فلوریڈا میں مقیم مانچسٹر یونائیٹڈ کلب کے مالک  گلیزرزاس حوالے سے تبصرہ کرنے سے انکار کردیا۔

مانچسٹر یونائیٹڈ کلب کے رکن نے مسک پر تنقید کرتے ہوئے کہا کہ یہ کسی ایسے شخص کی طرف سے صرف ایک ٹویٹ ہے جو ہمیشہ کچھ لکھنے سے پہلے  کبھی بھی کچھ  نہیں سوچتا ہے ۔

خیال رہے کہ اس سے قبل مسک نے کوکا کولا کمپنی خریدنے کا ابھی اعلان کیا تھا جبکہ وہ ٹوئٹر کی 44 ارب ڈالر کی خریداری کے معاہدے سے بھی پیچھے ہونے کی کوشش کررہے تاہم سوشل میڈیا انہیں عدالت لے گئی ہے۔