جامعہ این ای ڈی کا سنڈیکیٹ اجلاس، تنخواہوں کا معاملہ زیر غور آیا

جامعہ این ای ڈی کا سنڈیکیٹ اجلاس کا وائس چانسلر پروفیسر ڈاکٹر سروش حشمت لودھی کی صدارت میں منعقد ہوا، جس میں تعلیمی، انتظامی اور مالی اُمورکا تفصیلی جائزہ لیا گیا۔

این ای ڈی کا سنڈیکیٹ اجلاس  میں پرووائس چانسلر پروفیسر ڈاکٹر محمد طفیل اور سیکریٹری سنڈیکیٹ،جسٹرارسید غضنفر حسین سمیت  24اراکین نے شرکت کی۔

یہ بھی پڑھیے

جامعہ این ای ڈی کے ڈائریکٹریٹ آف انڈسٹریل لائسنس کے تحت کیرئیر فیئر کا انعقاد

اجلاس میں سنڈیکیٹ حکومتِ سندھ کے نوٹیفیکشن کے تحت ملازمین کے لیے تنخواہوں کے ریواز(نظر ثانی شدہ بجٹ) کی منظوری دی گئی۔

اس اجلاس میں گزشتہ اجلاس کی سفارشات کی منظوری سمیت چار چیئرپرسن اور چھے پی ایچ ڈیز کی بھی منظوری دی گئی۔

جامعہ ترجمان کے مطابق اجلاس میں ڈاکٹر جاوید حنیف کو شعبہ پیٹرولیم انجینئرنگ،ڈاکٹر اریج ہمایوں مرزاکوبائیو میڈیکل انجینئرنگ، پروفیسر ڈاکٹرسعود ہاشمی کو کیمیکل انجینئرنگ جبکہ پروفیسر ڈاکٹر شہنیلہ زرداری کوسوفٹ وئیر انجینئرنگ ڈیپارٹمنٹ کاچیئرپرسن مقرر کرنے کی منظوری دی گئی۔

عبدالکریم قاضی (کمپیوٹر سائنس اینڈ انفارمیشن ٹیکنالوجی)،محمد کامران(کمپیوٹر سائنس اینڈ انفارمیشن ٹیکنالوجی)، سجاد علی(اربن اینڈ انفرااسٹکچرا نجینئرنگ)، وسیم خان(مٹیریل انجینئرنگ)زوبیا انور(مٹیریل انجینئرنگ) اور رویندر کمار(آرکیٹکچر اینڈپلاننگ) کی پی ایچ ڈی کی منطوری دی گئی، ان تمام پی ایچ ڈیز کو 25اکتوبر کو منعقد ہونے والے کنووکیشن میں ڈاکٹریٹ کی ڈگری سے نوازا جائے گا۔