فیصل واوڈا کی خونی لانگ مارچ کی پیشگوئی اور وزیر داخلہ رانا ثنا اللہ کی حکمت عملی
پاکستان تحریک انصاف (پی ٹی آئی) کے رہنما فیصل واوڈا نے لانگ مارچ کے خونی مارچ ہونی کی پیش گوئی کی تاہم خون ریزی کس طرف کی جائے گی بتانے سے قاصر رہے جبکہ وفاقی وزیر داخلہ رانا ثنا اللہ نے اپنی حکمت عملی وضح کرتے ہوئے کہا کہ کسی کو اسلام آباد میں داخل نہیں ہونے دیا جائے گا، قانون شکنوں کا ربڑ کی گولیوں اور آنسو گیس استقبال کیا جائے گا
پاکستان تحریک انصاف (پی ٹی آئی) کے رہنما فیصل واوڈا نے اسلام آباد کے لانگ مارچ میں خونریزی کے خدشات ظاہر کیے تاہم انہوں نے کسی کا نام لینے سے گریز کیا جبکہ وفاقی وزیر داخلہ رانا ثنا اللہ نے لانگ مارچ روکنے کی اپنی حکمت عملی واضح کردی ہے۔
پاکستان تحریک انصاف (پی ٹی آئی) کے رہنما فیصل واوڈا نے گزشتہ روزایک پریس کانفرنس اور پھراس کے بعد ایک نجی ٹی وی کے پروگرام میں خدشہ ظاہر کیا کہ لانگ مارچ خونریز ہوسکتا ہے تاہم انہوں نے خونریزی کس جانب سے ہوگی یہ بتانے سے گریز کیا ۔
یہ بھی پڑھیے
لانگ مارچ سے نمٹنے کیلئے آئے ایف سی اہلکاروں کا فیصل مسجد میں پڑاؤ
سینئر صحافی ارشد شریف کے قتل کا معاملہ ، فیصل واوڈا کی آئیں بائیں شائیں
تحریک انصاف کے رہنما فیصل واوڈا سے سوال کیا گیا کہ لاشیں کون گرائے گا تو انہوں نے کہا کہ میں نہیں بتا سکتا، جب وقت آئے گا تو خود ہی پتا چل جائے گا ۔
Faisal Vawda sees bloody march, dead bodies and bloodshed. Hints at people close to Arshad Sharif involved in murder plot pic.twitter.com/vEeM9dPhwU
— Murtaza Ali Shah (@MurtazaViews) October 26, 2022
دوسری جانب وفاقی وزیر داخلہ رانا ثناء اللہ نے ایک ٹی وی پروگرام میں لانگ مارچ کو روکنے کی اپنی حکمت عملی وضح کردی ہے۔ انہوں نے کہا کہ کسی قیمت پر پی ٹی آئی کے لانگ مارچ کو اسلام آباد میں داخل نہیں ہونے دیا جائے گا اور اس کی تیاری بھی کرلی ہے ۔
وفاقی وزیر داخلہ نے ٹی وی پروگرام کی میزبان عاصمہ شیرازی کو بتایا کہ حکومت نے آرٹیکل 245 کے تحت سیکیورٹی کے لیے فوجی دستے طلب کیے تھے۔ شہر میں سیکیورٹی لائن کے پہلے درجے پر پولیس اور فرنٹیئر کور (ایف سی) کو تعینات کیا جائے گا۔
PTI لانگ مارچ۔۔
"ہم ہر قیمت پر اس جتھے کو ناکام کریں گے، آرٹیکل 245 کے تحت فوج طلب کر رہے ہیں۔ سب سے آگے پولیس اور ایف سی ہو گی جن کے پاس آنسو گیس اور ربر کی گولیاں ہوں گی۔ اس کے پیچھے رینجرز اور پھر فوج ہو گی"، وزیر داخلہ رانا ثناء اللہ#FaislaAapKa
Aaj News@RanaSanaullahPK pic.twitter.com/eGvBsQcWVY— Asma Shirazi (@asmashirazi) October 26, 2022
رانا ثنا اللہ نے بتایا کہ رینجرز اہلکار دوسرے درجے پر تعینات ہوں گے اور پھر تیسرے درجے پر پاک فوج کے اہلکار تعینات ہوں گے جبکہ پولیس اور ایف سی کے دستے آنسو گیس کے شیلز اور ربڑ کی گولیوں سے لیس ہوں گے۔
اپنے بیان میں وفاقی وزیر داخلہ کا کہنا تھا کہ قانون شکنی کرنے والوں کو روکنے کے لیے پولیس سمیت قانون نافذ کرنے والے ادارے آسنو گیس کے شیلز اور ربڑ کی گولیاں استعمال کریں گے۔ کسی کو قانون ہاتھ نہیں لینے دیں گے ۔
عمران خان نے لانگ مارچ کا اعلان جمعے کو کرنا تھا مگر ارشد شریف کے المناک واقعے کے بعد انہوں نے پہلے ہی اعلان کر دیا۔۔ شک پیدا ہوتا ہے کہ کیا عمران خان لانگ مارچ کے لیے کسی ناگہانی واقعے کے منتظر تھے۔۔ وزیر داخلہ رانا ثناء اللہ#FaislaAapKa
Aaj News@RanaSanaullahPK pic.twitter.com/0LeiiWUFAY— Asma Shirazi (@asmashirazi) October 26, 2022
وفاقی وزیرداخلہ رانا ثناء اللہ نے پاکستان تحریک انصاف کے چیئرمین عمران خان پر الزام عائد کیا کہ وہ صحافی ارشد شریف قتل جیسے کسی بڑے وقعے کے انتظار میں تھے ۔
