این ای ڈی  یونیورسٹی اور یونائیٹڈ نیشن کے تحت "کلسٹر ڈیولپمنٹ ایجنٹ ٹریننگ” کا اہتمام

جامعہ این ای ڈی کی این ای ڈی اکیڈمی اور یونائیٹڈ نیشن انڈسٹریل ڈیولپمنٹ آرگنائزیشن (UNIDO) کے تحت "کلسٹر ڈیولپمنٹ ایجنٹ ٹریننگ” کا اہتمام کیا گیا ہے۔

"کلسٹر ڈیولپمنٹ ایجنٹ ٹریننگ” پروگرام میں اقوام متحدہ کے بین الاقوامی ٹرینرز پیٹر انتھونی اور ابراہیم ویڈت سمیت معروف ماہر معاشیات قیصر بنگالی، افسران کو تربیت فراہم کریں گے۔

یہ بھی پڑھیے

این ای ڈی یونیورسٹی اور محکمہ جنگلی حیات سندھ کے مابین مفاہمتی یادداشت پر دستخط

جامعہ این ای ڈی کی این ای ڈی اکیڈمی اور یونائیٹڈ نیشن انڈسٹریل ڈیولپمنٹ آرگنائزیشن  کے تحت "کلسٹر ڈیولپمنٹ ایجنٹ ٹریننگ”میں سندھ کے 5 اضلاع سمیت کراچی سے 23افسران کو تربیت دی جارہی ہے۔

جامعہ ترجمان فروا حسن کے مطابق UNIDO کے پروجیکٹ (PAIDAR) این ای ڈی اکیڈمی، بزنس انکیوبیشن سینٹر اوریک کے زیرِاہتمام چھ ہفتوں پر مشتمل ٹریننگ کا انعقاد این آئی سی بلڈنگ میں کیا جارہا ہے۔

اس موقع پر گفتگو کرتے ہوئے معین الجامعہ این ای ڈی پروفیسر ڈاکٹر محمد طفیل کا کہنا تھا کہ یہ صرف تربیتی پروگرام نہیں بلکہ انفرادی شخصیت کو انٹرپرنیور میں ڈھالنے کا نظام ہے۔

این ای ڈی پروفیسر ڈاکٹر محمد طفیل کا  کہنا تھا کہ کلسٹر ڈیولپمنٹ ایجنٹ ٹریننگ، دیہی علاقوں تک انٹر پرنورشپ کے آئیڈیا کا فروغ ہے ۔یہ صرف تربیتی پروگرام نہیں ہے ۔

پروگرام کوآرڈینیٹر (UNIDO) بدرالااسلام، ڈائریکٹر جنرل این ای ڈی اکیڈمی پروفیسر ڈاکٹر بلال زاہد اور منیجر بزنس انکیوبیشن سینٹر ڈاکٹر سندس علی کا کہنا تھاکہ اس طرح کے تربیتی پروگرام وژن کو وسیع کرتے ہیں۔

یہ بھی پڑھیے

فیکلٹی ڈیولپمنٹ پروگرام سے تعلیمی بہتری کی راہیں کُھل رہی ہیں، معین الجامعہ این ای ڈی

ان کامزید کہنا تھا کہ عصرِحاضر انٹرپرنورشپ کا دور ہے. دور کے تقاضوں کے مدِنظر رکھتے ہوئے اس تربیت سے معاشی اور روزگار کے حوالے سے بہتری کی راہیں اُستوار ہوسکیں گی۔