پی ایس ایل 8: کراچی کنگز نے مسلسل 3 شکست کے بعد روایتی حریف لاہور قلندر کو ہرادیا
کراچی کنگز کے186 رنز کے ہدف کے تعاقب میں لاہور قلندرز کی ٹیم 18 ویں اوور میں 118 رنز بنا کر آؤٹ ہو گئی، 35 رنز بناکر ایک وکٹ لینے والے کپتان عماد وسیم میچ کے بہترین کھلاڑی قرار
![karachi vs lahore, پی ایس ایل](https://news360.tv/wp-content/uploads/2023/02/karachi-vs-lahore.jpg)
پی ایس ایل 8 میں ہوم گراؤنڈ پر مسلسل 3 شکستوں کے بعد کراچی کنگز نے بالآخر روایتی حریف لاہور قلندرز کے خلاف اپنا پہلا میچ جیت لیا۔
کراچی کنگز کے186 رنز کے ہدف کے تعاقب میں لاہور قلندرز کی ٹیم 18 ویں اوور میں 118 رنز بنا کر آؤٹ ہو گئی۔ 67 رنز کے بڑے فرق سے فتح کے باعث کراچی کنگز 3 میچز ہارنے کے باوجود بہتر رن ریٹ کی بنیاد پر پوائنٹس ٹیبل میں دوسرے نمبر پر آگئی۔
یہ بھی پڑھیے
پی ایس ایل 8: اسلام آباد یونائیٹڈ کو ٹورنامنٹ میں مسلسل دوسری شکست
مارٹن گپٹل کے 117 رنز نے کراچی کنگز کو مسلسل تیسری شکست سے دوچار کردیا
کراچی کے نیشنل بینک کرکٹ ارینا میں کھیلے گئےمیچ میں لاہور قلندرز کے کپتان شاہین آفریدی نے ٹاس جیت کر پہلے بولنگ کا فیصلہ کیا۔کراچی کنگزکومیتھیو ویڈ اور جیمز ونس نے 70 رنز کا اچھا آغاز فراہم کیا، میتھیو ویڈ 36 رنز بنا کر رن آؤٹ ہوئے جبکہ حیدر علی نے 18 اور شعیب ملک نے 10 رنز کی اننگز کھیلی۔
Clinical performance by the @KarachiKingsARY gets them their BIGGEST victory in the HBL PSL, that too against rivals @lahoreqalandars.
Fans, thoughts on today’s game?#SabSitarayHumaray | #HBLPSL8 l #KKvLQ pic.twitter.com/tJ1wWokRiE
— PakistanSuperLeague (@thePSLt20) February 19, 2023
جیمز ونس 46 رنز بنا کر آؤٹ ہوئے جبکہ بین کٹنگ 20 رنز بنا سکے، عماد وسیم نے 19 گیندوں پر 35 رنز کی اننگز کھیلی۔لاہور قلندرز کی جانب سے شاہین آفریدی، زمان خان، حارث رؤف اور لیام ڈاؤسن نے ایک ایک وکٹ حاصل کی۔
Spin to win 🌪️#SabSitarayHumaray | #HBLPSL8 l #KKvLQ pic.twitter.com/ggvBnU5UGD
— PakistanSuperLeague (@thePSLt20) February 19, 2023
لاہور قلندرز کی جانب سے مرزا طاہر بیگ کے علاوہ کوئی بھی بیٹر کراچی کنگز کے بولرز کا جم کر مقابلہ نہ کر سکا، مرزا طاہر بیگ 45 رنز بنا کر نمایاں رہے جبکہ کامران غلام نے 23 اور سکندر رضا نے 18 رنز کی اننگز کھیلیں۔
Lahore in trouble 😐
Akif Javed gets the breakthrough.#SabSitarayHumaray l #KKvLQ l #HBLPSL8 pic.twitter.com/3UFYylCdkL
— PakistanSuperLeague (@thePSLt20) February 19, 2023
کراچی کنگز کی جانب سے عاکف جاوید نے شاندار بولنگ کا مظاہرہ کرتے ہوئے 4 کھلاڑیوں کو آؤٹ کیا جبکہ عامر یامین اور بین کٹنگ نے دو دو وکٹیں حاصل کیں، محمد عامر اور عماد وسیم کے حصے میں ایک ایک وکٹ آئی۔کپتان عماد وسیم میچ کے بہترین کھلاڑی قرار پائے۔