بابر اعظم کی کپتان پر شبہات پیدا کرنے پر سوشل میڈیا کا نجم سیٹھی کو کرارا جواب

پی سی بی منیجمنٹ کمیٹی کے سربراہ نجم سیٹھی کی جانب سے کپتان بابر اعظم کی کپتانی پر شکوک و شبہات پیدا کرنے پر سوشل میڈیا آگ بگولا ہوگیا۔ صارفین نے بابر اعظم کو اپنی ریڈ لائن قرار دے کر نجم سیٹھی کو خبردار کردیا۔

آئی سی سی ورلڈکپ سے قبل کپتانی کا تنازع پیدا کرکے نجم سیٹھی نے خود میگا ایونٹ سے قبل قومی ٹیم کیلیے خطرے کی گھنٹی بجادی ہے۔

یہ بھی پڑھیے

خدشات پھیلانے والے غلط ثابت ہوگئے، نجم سیٹھی کا بابراعظم سے ملاقات پر تبصرہ

شعیب اختر بزرگ فاسٹ بولر سے ملنے کے خواہشمند

بی بی سی کے مطابق  کرکٹ ورلڈ کپ کے لیے دنیا بھر کی تمام ہی ٹیموں کے ون ڈے کے کپتانوں کا اعلان کر دیا گیا ہے۔ عموماً باقی دنیا میں اس حوالے سے اعلانات طویل عرصے کے لیے کیے جاتے ہیں۔

حال ہی میں نیوزی لینڈ کے کپتان کین ولیمسن کو جب انجری کا سامنا کرنا پڑا تو نیوزی لینڈ کرکٹ بورڈ نے ابھی سے ورلڈ کپ کے لیے ٹام لیتھم کو کپتانی کی ذمہ داریاں دے دی ہیں۔

ایسے میں سوشل میڈیا پر یہ سوال اٹھایا جا رہا تھا کہ پاکستان میں سیریز کی بنیاد پر کپتانی کیوں دی جاتی ہے اور اس سب کی وجہ سے پاکستانی ٹیم اور خصوصاً بابر اعظم پر غیر ضروری دباؤ ڈالنے کی کیا ضرورت ہے؟

 نجم سیٹھی نے گزشتہ روز صحافی وحید خان بابر اعظم کی کپتانی پر بھی تفصیل سے بات کرکے جلتی پر تیل ڈالنے والا کام کیا ہے۔

نجم سیٹھی نے اس انٹرویو میں بابر اعظم کی کپتانی سے متعلق سوال کے جواب میں کہا کہ ’میں نے مکی آرتھر سے پوچھا کہ انھیں ایک کپتان چاہیے یا دو تو مکی نے کہا کہ انھیں ایک چاہیے اس لیے بابر ہی وائٹ بال کے دونوں فارمیٹ کے کپتان ہیں‘۔

PCB chairman Najam Sethi on Babar Azam’s captaincy, about criticism on his captaincy from the likes of Waheed Khan, Abdul Majid Bhatti, Yahya Hussaini and Mirza Iqbal Baig. #PAKvNZ

Video Credits: Waheed Khan YouTube pic.twitter.com/YRcql7V70y

— Farid Khan (@_FaridKhan) April 10, 2023

نجم سیٹھی نے کہا کہ ’ان کے لیے اعداد و شمار بہت اہمیت رکھتے ہیں اور اگر بابر اعظم اچھا پرفارم کریں گے تو انھیں کپتان برقرار رکھا جائے گا۔ ورنہ آپ سمیت دیگر صحافی ان کی کپتانی پر سوال کریں گے‘۔

تاہم اس انٹرویو میں انہوں نے ایک اہم انکشاف یہ بھی کیا کہ نیوزی لینڈ سیریز سے قبل جب انہوں نے ذمہ داری سنبھالی تھی تو شاہد آفریدی کی سربراہی میں قائم عبوری سلیکشن کمیٹی قومی ٹیم میں تبدیلیوں کے علاوہ کپتان کو بھی تبدیل کرنا چاہتی تھی‘۔

خیال رہے کہ نیوزی لینڈ کی سیریز کے بعد جب بابر اعظم کو کپتانی سے ہٹانے کے بارے میں چہ مگوئیاں ہوئیں تو اکثر کھلاڑیوں کی جانب سے ٹوئٹر پر ان کی سپورٹ میں متعدد ٹویٹس سامنے آئے۔ اس دوران سوچنا بھی منع ہے کہ ہیش ٹیگ بھی استعمال کیا گیا۔

نجم سیٹھی نے آج اپنے اس بیان کی وضاحت سلسلہ وار ٹویٹس میں کیے ہیں ۔ انہوں نے ٹویٹس میں لکھا کہ ’کئی مہینوں سے میڈیا اور کرکٹ کے حلقے بابر اعظم کو کھیل کے تمام فارمیٹس میں کپتان برقرار رکھنے کے فائدے اور نقصانات پر بحث کر رہے ہیں۔ چونکہ یہ فیصلہ بالآخر چیئرمین کا ہے، اس لیے میں نے شاہد آفریدی اور اب ہارون رشید کی سربراہی میں بننے والی سلیکشن کمیٹیوں کی آرا مانگیں‘۔

1/3 For months media and cricketing circles have been discussing pros and cons of retaining Babar Azam as captain in all formats of the game. Since this decision is ultimately Chairman’s, I have sought views of Selection Committees headed by Shahid Afridi and now Haroon Rashid.

— Najam Sethi (@najamsethi) April 10, 2023

انہوں نے کہاکہ ’دونوں کمیٹیوں نے اس پر غوروخوض کیا اور پھر دونوں بعد میں اس نتیجے پر پہنچے کہ جو جاری ہے اسے برقرار رکھا جانا چاہیے۔ میں نے بعد میں اس موقف کو عوامی طور پر بیان کیا ہے۔ میرا فیصلہ فیصلہ اس برقرار رکھنے کی کامیابی یا ناکامی سے مشروط ہوگا‘۔

3/3. I will also be guided by what the Selectors and Director Cricket Ops and Head Coach have to say going forward. I expect they will be in the best position to advise me. Therefore we should support Babar and not make matter controversial in interests of national team.

— Najam Sethi (@najamsethi) April 10, 2023

نجم سیٹھی نے مزیدلکھاکہ’مجھے اس سے بھی رہنمائی ملے گی کہ سلیکٹرز اور ڈائریکٹر کرکٹ آپریشنز اور ہیڈ کوچ مستقبل کے بارے میں کیا کہتے ہیں۔ مجھے امید ہے کہ وہ مجھے مشورہ دینے کی بہترین پوزیشن میں ہوں گے۔ اس لیے ہمیں بابر کا ساتھ دینا چاہیے اور قومی ٹیم کے مفاد میں معاملے کو متنازع نہیں بنانا چاہیے‘۔

 نجم سیٹھی کے بابر اعظم کی کپتانی سے متعلق ٹویٹ کے بعد بابر اعظم کو تینوں فارمیٹ کا کپتان برقرار رکھنے کی بحث شروع ہوگئی اور سوشل میڈیا پر اس حوالے سے طوفان کھڑا ہوگیا۔

I spoke with Mr Najam Sethi who was kind enough to confirm he was not referring to me while commenting about Babar Azam’s captaincy. He has further clarified this in his social media posts. This has put the matter to bed.
All the best to Babar and his side for the series vs NZ

— Shahid Afridi (@SAfridiOfficial) April 10, 2023

پہلے تو سابق چیف سلیکٹر شاہد آفریدی نے سربراہ پی سی بی کو کرارا جواب دے ڈالا اوراس کے بعد سوشل میڈیا صارفین بھی بابر اعظم کے دفاع میں اٹھ کھڑے ہوئے جس کے بعد ٹوئٹر پر ’’بابر اعظم ہماری ریڈ لائن اور نجم سیٹھی حد میں رہو‘‘ کے ہیش ٹیگ ٹاپ ٹرینڈ کرنے لگے۔

babar azam is our red line DON’T TRY TO CROSS IT #BabarAzamIsOurRedLine pic.twitter.com/X97CkgNvl3

— 𝗠𝗮𝗿𝘆𝗮𝗺 🖤🇵🇸 (@maryamm_56) April 10, 2023

سوشل میڈیا صارفین کی بڑی تعداد نے نجم سیٹھی کو آڑے ہاتھوں لیتے ہوئے کہا کہ وہ اپنی حد میں رہیں بابر اعظم ہماری ریڈ لائن ہیں۔صارفین نے کہا کہ سیٹھی اپنے ایجنڈے سے بابر اعظم کو دور رکھیں ورنہ آپ کی سوچ سے بھی زیادہ ردعمل آئے گا۔

Babar Azam is our red line and no one can even be considered for the Captain is his presence.#BabarAzamIsOurRedLine#NajamSethiStayInyourLimitspic.twitter.com/D1rMoQlI3Z

— Muhammad Faizan (@KhanFaizan645) April 11, 2023

ایک صارف نے سابق چیئرمین پی سی بی رمیز راجا کی بابر اعظم کو گلے لگانے کی تصویر شیئر کی اور لکھا کہ ہم عمران خان اور رمیز راجا کی واپسی چاہتے ہیں۔

We want Imran Khan and Ramiz Raja Back.#BabarAzamIsOurRedLine#StayInYourLimitsNajamSethi pic.twitter.com/sCStix6hbn

— Fakhruu :^) 🏏 (@BajwaKehtaHaii) April 10, 2023

My 🐐is the first batter in the world to score 3 consecutive 100s in odis on two separate occasions ❤️🔥#BabarAzamIsOurRedLine #StayInYourLimitsNajamSethi pic.twitter.com/HayghyK3SB

— Hassan (@HassanAbbasian) April 10, 2023

کئی صارفین نے بابر اعظم کے بیٹنگ ریکارڈ کے اعداد وشمار شیئر کیے تو کسی نے آئی سی سی اعزازات کے ساتھ تصویر شیئر کی اور کہا کہ دنیا کا بہترین بلے باز اور کپتان بابر اعظم ہے۔ایک صارف نے کہا کہ بابر ہمارا کپتان ہے اور رہے گا، یہی ہمیں ورلڈ کپ جتوائے گا۔