سعودی کلب الہلال کی میسی کو سالانہ 40کروڑ ڈالر کے معاہدے کی پیشکش

 سعودی عرب کے فٹبال کلب الہلال نے ورلڈکپ کی فاتح ارجنٹائن کی ٹیم کے کپتان لیونل میسی کو سالانہ 40کروڑ ڈالر معاوضے کی پیشکش کردی۔

میسی کے قریبی ذرائع  نے خبررساں ادارے رائٹرز کو بتایا ہے کہ سعودی کلب  نے آئندہ سیزن کیلیے میسی کو معاہدے کی پیشکش کی ہے۔ معاہدے کی صورت میں میسی دنیا کے سب سے زیادہ معاوضہ لینے والے فٹبالر بن جائیں گے۔

یہ بھی پڑھیے

لیونل میسی چھٹیاں گزارنے سعودی عرب چلے آئے، فرانسیسی کلب نے معطل کردیا

رونالڈو کو پچھاڑ کر میسی یورپ میں سب سے زیادہ گول کرنے والے فٹبالر بن گئے

ذرائع کے مطابق میسی کو کسی بھی سعودی کلب سے تاحال ایک یہی پیشکش کی گئی ہے۔الہلال نے معمول کے دفتری اوقات کے بعد اس پیشکش کے بارے میں پوچھے گئے سوال پر کوئی ردعمل نہیں دیا ہے۔

میڈیا میں 35سالہ میسی کی اپنے آبائی کلب بارسلونا میں واپسی کی قیاس آرائیاں بھی جاری ہیں جبکہ امریکی کلب انٹرمیامی  کو بھی میسی کی اگلی منز ل قرار دیا جارہا ہے۔

#WelcomeMessi to Diriyah, the land of traditions, heritage and history. Leo Messi, his wife Antonella and his sons Mateo and Ciro had an enjoyable tour where they learned about the history of Saudi and met its generous and hospitable people in At-Turaif. pic.twitter.com/vna7y63m2u

— Ahmed Al Khateeb أحمد الخطيب (@AhmedAlKhateeb) May 2, 2023

رواں ہفتے ہی فرانسیسی فٹبال کلب پی ایس جی نے معاہدے کی خلاف ورزی کرتے ہوئے اہلخانہ کے ساتھ سعودی عرب کا ایک ہفتے طویل دورہ کرنے پر میسی کو ایک ہفتے کیلیے معطل کردیا تھا۔

  میسی کو سیاحت کے لیے سعودی سفیر مقرر کیا گیا ہے جبکہ  ان کے دیرینہ حریف کرسٹیانو رونالڈو نے دسمبر میں سعودی کلب النصر سے سالانہ تقریباً 22کروڑ ڈالر کا معاہدہ کیا تھا۔

میسی کے قریبی دوسرے ذرائع نے رائٹرز کو بتایا کہ یہ معطلی اس وقت لگائی گئی ورلڈکپ کے فاتح کپتان نے پی ایس جی کو بتایا کہ وہ اس سیزن کے بعد پیرس میں نہیں رہیں گے اور محسوس کیا کہ کلب کے پاس کسی پروجیکٹ کی کمی ہے۔

I am happy to welcome #Messi and his family to Saudi to enjoy the magical tourist destinations and authentic experiences.

We welcome visitors from all around the world to experience a unique trip to Saudi Arabia and its hospitality. 🇸🇦#WelcomeMessi pic.twitter.com/QQGdnAqQ08

— Ahmed Al Khateeb أحمد الخطيب (@AhmedAlKhateeb) May 1, 2023

ذرائع نے مزید کہا کہ پی ایس جی کی پیر کو کوئی ٹریننگ شیڈول نہیں تھی۔سیشن منعقد کرنے کا فیصلہ میسی کےسعودی عرب پہنچنے کے بعد کیا گیا ۔پی ایس جی کے قریبی ذرائع نے اس کی تردید کرتے ہوئے رائٹرز کو بتایا کہ میسی نے فرانسیسی کلب کی اجازت کے بغیر اور پیر کو تربیتی سیشن ہونے کے باوجودسعودی عرب کا سفر کیا۔ذریعے  نے اس پر کوئی تبصرہ نہیں کیا کہ آیا میسی نے  پی ایس جی کو پہلے ہی بتا دیا تھا کہ وہ سیزن کے اختتام پراسے  چھوڑنے کا ارادہ رکھتا ہے۔

برطانوی  اخبار ٹیلیگراف کی ایک رپورٹ میں بتایا گیا کہ  میسی کے والد  سعودی کلب سے  مذاکرات کر رہے ہیں۔اگر اس معاہدے پر اتفاق ہو جاتا ہے تو لیونل میسی کا معاوضہ اس وقت سعودی عرب میں کھیلنے والے کرسٹیانو رونالڈو سے زیادہ ہوگا۔درحقیقت یہ دنیا کے کسی فٹبالر کو دیے جانے والا سب سے زیادہ سالانہ معاوضہ ہوگا۔