بلوچستان ہائیکورٹ کا چیئرمین پی سی بی کا انتخاب 17جولائی تک روکنے کا حکم

بلوچستان ہائیکورٹ نے پاکستان کرکٹ بورڈ (پی سی بی)  کے چیئرمین  کاانتخاب 17 جولائی تک روکنےکا حکم جاری  کردیا۔

پی سی بی منیجمنٹ کمیٹی کے سابق رکن گل محمد کاکڑ نےچیئرمین پی سی بی کے  الیکشنز چیلنج کیے تھے جس پر بلوچستان ہائیکورٹ کے چیف جسٹس نعیم اختر افغان اورجسٹس عامر نواز نے سماعت کی اور الیکشن  17 جولائی تک روکنے کا حکم دیا ہے۔

یہ بھی پڑھییے

لاہور ہائیکورٹ نے پی سی بی کے انتخابات روکنے کی حکم امتناع کی درخواست مسترد کر دی

پاکستان کا 10 طلائی تمغوں کے ساتھ اسپیشل اولمپکس میں شاندار اختتام

بلوچستان ہائیکورٹ کے دو رکنی بنچ نے فیصلہ سناتے ہوئے  وزیر اعظم، وزارت آئی پی سی، ذکا اشرف سمیت فریقین کو نوٹسز جاری کردیے۔ پاکستان کرکٹ بورڈ کے چیئرمین کا انتخاب 27 جون کو شیڈول ہے جسے روک دیا گیا ہے۔

Chairman PCB elections stayed by the court.
Not unexpected after the hurried notification to dissolve the PCB-MC before completion of tenure and changing BoG announced by the PCB-MC
PCB EC didn’t have the power to form the BoG, it was MC’s mandate, and they did it.

— Faizan Lakhani (@faizanlakhani) June 26, 2023

صحافی فیضان لاکھانی کے مطابق مدت کی تکمیل سے قبل جلد بازی میں  منیجمنٹ کمیٹی کی تحلیل کے اعلامیے کے اجرا اور کمیٹی کی جانب سے اعلان کردہ بورڈ آف گورنرز کی تبدیلی کے بعد عدالتی حکم غیر متوقع نہیں ہے۔

انہوں نے کہاکہ پی سی بی کے  الیکشن کمیشن کےپاس بورڈ آف  گورنرز کے قیام کااختیار نہیں ہے، یہ منیجمنٹ کمیٹی کاکام تھا  جووہ کرچکی تھی۔