وسیم اکرم نے کرکٹ کے بجائے گولف کا کھلاڑی ڈھونڈ لیا
وسیم اکرم سمجھتے ہیں کہ عمر خالد گولف کے نمایاں کھلاڑی ہوسکتے ہیں۔
پاکستان کے لیجنڈ باؤلر وسیم اکرم نے نوجوان گولفر عمر خالد کے ساتھ ایک تصویر پوسٹ کی ہے جن کے بارے میں وہ سمجھتے ہیں کہ عمر خالد گولف کے نمایاں کھلاڑی ہو سکتے ہیں۔
سماجی رابطوں کی ویب سائٹ ٹوئٹر پر وسیم اکرم نے گولف کے کھلاڑی خالد عمر سے متعلق ٹوئٹ کیا اور ان کی حوصلہ افزائی کی۔ لیکن کیا وسیم اکرم صرف اتنا ہی کر سکتے ہیں؟
وسیم اکرم کو یاد ہوگا کہ انہیں ان کے کپتان عمران خان دنیا کے سامنے کیسے لائے تھے۔ وسائل کی کمی ہونے کے باوجود اس وقت وسیم اکرم کے پاس صرف ایک ہی چیز تھی اور وہ تھی صلاحیت۔
Played a round of golf with Pakistan’s latest sports sensation. Omar khalid, who I see as Pakistan sport’s ‘find of the year’ is just 16 and is youngest ever player in history to win the prestigious National Amateur Golf Championship. He is talented & focused bright future ahead pic.twitter.com/S2GHxH0lJw
— Wasim Akram (@wasimakramlive) January 8, 2021
چونکہ گولف امیروں کا کھیل سمجھا جاتا ہے اس لیے وسیم اکرم صرف نوجوان کی صلاحیت کے بارے میں ٹوئٹ کرنے کے علاوہ بہت کچھ کرسکتے ہیں۔ کھیلوں میں سہولیات کا فقدان سب سے بڑی رکاوٹ ہے اور گولف کی قیمت کئی شائقین کو دور رکھتی ہے۔ یہی وہ مقام ہے جہاں وسیم اکرم عمر کی مدد کرسکتے ہیں۔
اگر نوجوان گولفرکی تعریف کے علاوہ عملی طور پر کچھ نہ کیا جائے تو امکان ہے کہ یہ ہنر ضائع ہوجائے۔ وہ عمر خالد کے حلقے کے لوگوں سے درخواست کر سکتے ہیں کہ انہیں وسائل کی فراہمی اور کھیلتے رہنے میں مدد کریں۔ عمر خالد کو اجاگر کرنے کے لیے وسیم اکرم پاکستان میں پیشہ ور گولف کھلاڑیوں سے بھی رابطہ کرسکتے ہیں تاکہ ملک میں ایک اور ہنرکو برباد ہونے سے بچایا جاسکے۔
