پاکستان کے اسٹار کرکٹرز ننھے کھلاڑی کے مداح

پاکستان کی کرکٹ ٹیم کے سابق اسٹار کرکٹر محمد یوسف ننھے کھلاڑی کے فین ہوگئے ہیں۔ سوشل میڈیا پر 6 سالہ بچے کی بیٹنگ کی ویڈیو وائرل ہونے کے بعد محمد یوسف نے نہ صرف ان سے ملاقات کی بلکہ بچے کے ساتھ کرکٹ کھیلی اور ٹپس بھی دیں۔ سابق کھلاڑی راشد لطیف نے گوہر لیاقت کو سچن ٹنڈولکر قرار دے دیا ہے۔

سوشل میڈیا پر ویڈیوز وائرل ہونے کا سب سے بڑا فائدہ یہ ہے کہ اس سے ملک بھر میں موجود ٹیلنٹ کھل کر سامنے آجاتا ہے۔ گذشتہ چند برسوں کے دوران جہاں سوشل میڈیا کے ذریعے مختلف گلوکاروں اور اداکاروں کو شوبز انڈسٹری میں قدم رکھنے کا موقع ملا وہیں ایک 6 سالہ بچے کی شاندار کرکٹ کھیلنے کی ویڈیو نے بھی سماجی رابطوں کی ویب سائٹس پر تہلکہ مچادیا ہے۔

پچھلے دنوں سماجی رابطوں کی ویب سائٹ ٹوئٹر پر ایک ننھے کرکٹر کی ویڈیو وائرل ہوئی جس نے نہ صرف سابق پاکستانی کرکٹر محمد یوسف اور راشد لطیف بلکہ بین الاقوامی نشریاتی ادارے ای ایس پی این کرک انفو کو بھی متاثر کردیا۔

Some 👌 drives!

Six-year-old Gohar Liaqat from Lahore is showing plenty of promise 🤩

📹: Qadir Khawaja | #YourShots pic.twitter.com/dvJwLgnTVE

— ESPNcricinfo (@ESPNcricinfo) April 1, 2021

یہ بھی پڑھیے

ون ڈے کرکٹ میں سبقت پاکستان یا جنوبی افریقہ کی؟

ویڈیو وائرل ہونے کے بعد محمد یوسف نے لاہور سے تعلق رکھنے والے 6 سالہ گوہر لیاقت کو ڈھونڈ نکالا اور ملاقات کرنے پہنچ گئے۔ محمد یوسف نے نہ صرف بچے کے ساتھ کرکٹ کھیلی بلکہ اسے بیٹنگ کے حوالے سے مفید مشورے بھی دیئے۔ محمد یوسف نے اپنی ٹوئٹر پوسٹ میں ویڈیو شیئر کرتے ہوئے گوہر لیاقت کی تعریف کی اور اسے دعائیں دیں۔ محمد یوسف کی اس پوسٹ پر مداحوں کی جانب سے انہیں بے حد سراہا جارہا ہے۔

Yousaf Bhai, miss your legendary batting, you were awesome…..glad to see you passing on your experience to this boy….

— Sajjad Idris (@sajidris) April 2, 2021

پاکستان کے سابق کرکٹر راشد لطیف نے بچے کو سچن ٹنڈولکر قرار دے دیا۔

Little master Sachin 👍❤️

— Rashid Latif ®️🇵🇰🌹 (@iRashidLatif68) April 1, 2021

قومی کرکٹ ٹیم کے سابق کپتان اور وکٹ کیپر سرفراز احمد بھی ننھے کرکٹر سے متاثر ہوئے بغیر نہ رہ سکے۔

Very impressive Mashallah 😍

— Sarfaraz Ahmed (@SarfarazA_54) April 1, 2021