پاکستان ویمنز کرکٹ ٹیم کامن ویلتھ گیمز کے لیے کوالیفائڈ
اس ایونٹ میں 8 ممالک کی ٹیمیں ٹی ٹوئنٹی فارمیٹ میں مدمقابل آئیں گی۔
پاکستان کی ویمنز کرکٹ ٹیم نے کامن ویلتھ گیمز کے لیے کوالیفائی کرلیا ہے۔ 28 ویں کامن ویلتھ گیمز کا آغاز 8 جولائی سے برطانیہ کے شہر برمنگھم میں ہوگا۔ اس ایونٹ میں 8 ممالک کی ٹیمز ٹی ٹوئنٹی فارمیٹ میں مد مقابل ہوں گی۔ یہ پہلی بار ہورہا ہے کہ خواتین کرکٹ ٹیمز بھی کامن ویلتھ گیمز کا حصہ بن رہی ہیں۔
ٹورنامنٹ میں پاکستانی کرکٹ ٹیم کے علاوہ آسٹریلیا، انڈیا، انگلینڈ، جنوبی افریقہ، نیوزی لینڈ اور ویسٹ انڈیز کی وومنز ٹیمز حصہ لیں گی جبکہ گیمز میں شرکت کے لیے آٹھویں ٹیم کا فیصلہ کوالیفائنگ راؤنڈ میں ہوگا۔
Teams that have qualified for the Birmingham 2022 Commonwealth Games 🎉#B2022 pic.twitter.com/sYJqUJPHxl
— ICC (@ICC) April 26, 2021
یہ بھی پڑھیے
بابر اعظم نمبر ون بلے باز کیوں؟ جنوبی افریقہ میں بتادیا
پاکستان کرکٹ بورڈ کے چیف ایگزیکٹو وسیم خان کا کہنا ہے کہ کامن ویلتھ گیمز میں شرکت سے پاکستان کی ویمنز کرکٹ ٹیم کو دنیا کی بہترین ٹیموں کے خلاف کھیلنے کا موقع ملے گا۔
💬 “Commonwealth Games will provide a once in a lifetime opportunity to our players to interact and learn from professional athletes from other sports during their time in the athletes’ village” – PCB CEO Wasim Khan
Read More: https://t.co/95qiDq71mH #BackOurGirls pic.twitter.com/V8vxVLZuVq
— Pakistan Cricket (@TheRealPCB) April 26, 2021
وسیم خان کا کہنا ہے کہ میں اس موقع پر انٹرنیشنل کرکٹ کونسل اور آئی سی سی ویمنز کمیٹی کوبھی مبارکباد پیش کرتا ہوں جن کی محنت کی وجہ سے ویمنز کرکٹ کو کامن ویلتھ گیمز میں شامل کیا گیا ہے۔ ہم اس موقع پر کامن ویلتھ گیمز ایسوسی ایشن آف پاکستان کے بھی شکرگزار ہیں۔
پاکستان خواتین کرکٹ ٹیم کی آل راؤنڈر ندا ڈار کا کہنا ہے کہ کامن ویلتھ گیمز میں اپنے ملک کی نمائندگی کاموقع ملنا اعزاز کی بات ہے ، لہٰذا میں اس موقع پر بہت خوش ہوں۔
💬 We play this great game to represent our country at the highest platform and in women’s cricket, there is no bigger stage than the multi-sport Commonwealth Games in which we can show our prowess and talent” – @CoolNidadar
Read More: https://t.co/95qiDqoCef #BackOurGirls pic.twitter.com/FVTIZ5iVEJ
— Pakistan Cricket (@TheRealPCB) April 26, 2021
انہوں نے کہا کہ ’میں برمنگھم میں شیڈول اس ایونٹ میں شرکت کی شدت سے منتظر ہوں اور وہاں عمدہ کھیل پیش کرنے کے ساتھ مایہ ناز کرکٹرز اور دیگر کھیلوں سے تعلق رکھنے والے نامور ایتھلیٹس سے ملنے کی بھی خواہشمند ہوں۔‘