کیا اعظم خان پرچی ہیں؟
اسپورٹس جرنلسٹ یحییٰ حسینی کا کہنا ہے کہ وہ اعظم خان کی ٹیم میں شمولیت پر حیران ہیں۔
اعظم خان کو قومی کرکٹ ٹیم کے ٹی ٹوئنٹی اسکواڈ میں شامل کرنے پر ملک کے معروف اسپورٹس جرنلسٹس دو دھڑوں میں تقسیم ہوگئے۔ یحییٰ حسینی اعظم خان کی سلیکشن کے خلاف اور عالیہ رشید اعظم خان کے حق میں نکل آئیں۔
قومی کرکٹ ٹیم کے سابق کھلاڑی معین خان کے صاحبزادے اعظم خان کو دورۂ انگلینڈ اور ویسٹ انڈیز کے ٹی ٹوئنٹی اسکواڈ میں شامل کرنے پر سوالات اٹھنے لگے ہیں۔ ملک کے معروف اسپورٹس جرنلسٹ کی رائے میں اس حوالے سے تضاد پایا جاتا ہے۔
اعظم خان نے اپریل میں سماجی رابطوں کی ویب سائٹ ٹوئٹر پر پیغام میں لکھا تھا کہ وہ قومی کرکٹ ٹیم کا حصہ بننے کے لیے بے چین ہیں اور اپنی فٹنس پر کام کررہے ہیں۔ معروف اسپورٹس جرنلسٹ یحییٰ حسینی نے گزشتہ روز ٹوئٹر پر اعظم خان کی اس پرانی ٹوئٹ کو شیئر کرتے ہوئے لکھا کہ وہ پاکستان کرکٹ بورڈ (پی سی بی) کے چیف سلیکٹر محمد وسیم کے فیصلے پر حیران ہیں۔ انہوں نے کس پرفارمنس کی بنیاد پر اعظم خان کو ٹیم کے لیے منتخب کیا؟
Check the level of our cricket. In April @MAzamKhan45 wrote about his impatience to play for the @TheRealPCB . Even great players never wrote so on being dropped from the team. Wondering on what performance Chief selector @MuhammadWasim77 has inducted him in the team. pic.twitter.com/NhfPTad0qq
— Syed Yahya Hussaini (@SYahyaHussaini) June 4, 2021
یہ بھی پڑھیے
ٹوکیو اولمپکس کے ہزاروں رضاکار دستبردار
دوسری طرف معروف اسپورٹس جرنلسٹ اور تجزیہ کار عالیہ رشید نے اپنی ٹوئٹ میں اعظم خان کی ٹیم میں شمولیت پر حوصلہ افزائی کی۔
Take off is hard my boy, take it easy & keep evolving! Coach Masroor with Azam Khan 😍 pic.twitter.com/1XXmiDnN4O
— Aalia Rasheed (@aaliaaaliya) June 4, 2021
اسپورٹس جرنلسٹ سہیل عمران نے ٹوئٹ کیا کہ نوجوان کرکٹر خواہ کسی کا بھی رشتہ دار ہو اسے تنقید کا نشانہ نہیں بنانا چاہیے۔ اگر وہ ٹیلنٹڈ ہے تو ثابت کرے، یہ اصول سب کے لیے یکساں ہونا چاہیے۔ اس میں نوجوان کرکٹر کا کوئی قصور نہیں کہ وہ نقصان اٹھائے۔ اس ٹوئٹ کے جواب میں عالیہ رشید نے لکھا کہ اس میں کسی رشتہ دار کا بھی قصور نہیں اگر اس کا بھانجا یا بھتیجا ٹیلنٹڈ نکل آئے۔
Iss main kisi rishadaar ka bhee qasoor nahi agar uska bhateeja/ bhanjaa talented nikal aaiey tu! 🤷♀️🤷♀️ https://t.co/taxRdDcT5h
— Aalia Rasheed (@aaliaaaliya) June 4, 2021
اعظم خان نے پاکستان سپر لیگ (پی ایس ایل) کے حالیہ میچز میں کوئٹہ گلیڈی ایٹرز کی نمائندگی کرتے ہوئے میچ وننگ پرفارمنس دی تھی۔
واضح رہے کہ قومی کرکٹ ٹیم انگلینڈ میں 3 ون ڈے اور 3 ٹی ٹوئنٹی میچز کھیلے گی۔ پہلا ون ڈے انٹرنیشنل 8 جولائی کو کھیلا جائے گا۔ ویسٹ انڈیز میں پاکستان کی کرکٹ ٹیم 5 ٹی ٹوئنٹی اور 2 ٹیسٹ میچز کھیلے گی۔ دونوں ٹیمز کے درمیان سیریز کا پہلا ٹی ٹوئنٹی 27 جولائی کو شیڈول ہے۔
