پی ایس ایل 6 میں جیت پر شاہنواز دھانی کے چرچے

پاکستان سپر لیگ (پی ایس ایل) کے چھٹے ایڈیشن کے فائنل میچ میں ملتان سلطانز نے پشاور زلمی کو شکست دے کر پہلی مرتبہ ٹرافی اپنے نام کرلی ہے اور سوشل میڈیا پر لیگ کے بہترین بالر شاہنواز دھانی کے خوب چرچے ہورہے ہیں۔

ابوظہبی کے شیخ زید اسٹیڈیم میں کھیلے گئے  پی ایس ایل 6 کے فائنل میچ میں پشاور زلمی کے کپتان وہاب ریاض نے ٹاس جیت کر فیلڈنگ کا فیصلہ کیا۔ ملتان سلطانز نے مقررہ 20 اوورز میں 4 وکٹوں کے نقصان پر 206 رنز اسکور کیے جس کے جواب میں پشاور زلمی 9 وکٹوں کے نقصان پر صرف 159 رنز ہی بنا سکی۔

🏅🏆🎇#HBLPSL6 | #MatchDikhao | #MSvPZ pic.twitter.com/66D54505le

— PakistanSuperLeague (@thePSLt20) June 24, 2021

ملتان سلطانز کے بیٹسمین صہیب مقصود نے 3 چھکوں اور 4 چوکوں کی مدد سے نصف سنچری اسکور کی۔ وہ 35 گیندوں پر 65 رنز بنا کر ناٹ آؤٹ رہے۔ رائیلی روسونے صرف 21 گیندوں پر نصف سنچری بنائی۔ شان مسعود نے 37، محمد رضوان نے 30 اور خوشدل شاہ نے 15 رنز بنائے جبکہ جانسن چارلس بغیر کوئی رن بنائے آؤٹ ہوگئے۔

پشاور زلمی کی جانب سے محمد عمران اور ثمین گل نے 2، 2 وکٹیں حاصل کیں۔

یہ بھی پڑھیے

کیا محمد عامر کے لیے شاہنواز دھانی خطرے کی گھنٹی ہیں؟

ملتان سلطانز کے بڑے ہدف کے تعاقب میں پشاور زلمی کے سب سے پہلے آؤٹ ہونے والے کھلاڑی حضرت اللہ تھے جو 42 کے مجموعی اسکور پر 6 رنز بنا سکے تھے۔ کامران اکمل 36 رنز بنا کر آؤٹ ہوئے۔ پشاور زلمی کی تیسری وکٹ 58 رنز پر جوناتھن ویلز کی صورت میں گری جنہوں نے 6 رنز بنائے۔

مین پاؤل 23 رنز بنا کر پویلین لوٹ گئے جبکہ شعیب ملک نے 3 چھکوں اور 3 چوکوں کی مدد سے 28 گیندوں پر 48 رنز اسکور کیے۔ ردر فورڈ 10 گیندوں پر 18 رنز بنا کر عمران طاہر کے ہاتھوں آؤٹ ہوئے۔

ملتان سلطانز کی جانب سے عمران طاہر نے 3 ، مزربانی اور عمران خان نے 2، 2 وکٹیں حاصل کیں جبکہ سہیل تنویر نے ایک کھلاڑی کو آؤٹ کیا۔

حکمراں جماعت پاکستان تحریک انصاف (پی ٹی آئی) کے سینیٹر فیصل جاوید نے ملتان سلطانز کو پی ایس ایل 6 جیتنے پر مبارکباد پیش کی ہے۔

Congratulations to @MultanSultans for their maiden victory in @thePSLt20. Super Performance throughout the season 6 and truly deserved the title. Good captaincy by @iMRizwanPak. Great teamwork!!! @PeshawarZalmi better luck next time. #PSL6final #MSvPZ

— Faisal Javed Khan (@FaisalJavedKhan) June 24, 2021

فخر زمان نے بھی ملتان سلطانز کو جیت پر مبارکباد پیش کی ہے۔

A heartfelt congratulations to @MultanSultans and @iMRizwanPak. #PSL6 #Champions pic.twitter.com/I1l51w5oMV

— Fakhar Zaman (@FakharZamanLive) June 24, 2021

پی ایس ایل کے چھٹے ایڈیشن میں پاکستان کو شاہنواز دھانی کی صورت میں ایک شاندار بالر مل گیا ہے۔ شاہنواز دھانی لیگ کے بہترین بالر کے طور پر سامنے آئے ہیں جنہوں نے سب سے زیادہ وکٹیں حاصل کیں ہیں۔ ٹوئٹر پر شاہنواز دھانی کے خوب چرچے ہورہے ہیں۔

ایک ٹوئٹر صارف نے شاہنواز دھانی کی پرانی تصویر شیئر کی جس میں انہیں گاؤں میں بلے بازی کرتے ہوئے دیکھا جاسکتا ہے۔ اس کے ساتھ شاہنواز دھانی کی پی ایس ایل 6 میں کھیلنے کی تصویر لگائی اور ساتھ لکھا کہ ’کس نے سوچا تھا کہ گاؤں میں کھیلنے والا لڑکا پی ایس ایل 6 میں سب سے زیادہ وکٹیں حاصل کرنے والا بالر بن جائے گا۔‘

Who would have thought that the boy on the left side will become the most wicket taker of #PSL6
Indeed Almighty has the BEST PLANS FOR YOU❤#PSL6final #MSvPZ #PZvsMS #HBLPSL6Final #PSL6 #Champions #HBLPSL6 #Dahani pic.twitter.com/c24E3XAAS5

— Arslan Rafique (@ArslanR70413271) June 25, 2021

شاہنواز دھانی نے صرف مداحوں کو ہی نہیں بلکہ سیاستدانوں کو بھی اپنا گرویدہ کرلیا ہے۔ علی ترین خان نے لکھا کہ مجھے خوشی ہے کہ ہم نے شاہنواز دھانی جیسے ٹیلنٹ کو تلاش کرلیا ہے۔

I’m not a big fan of trophies.
More than the Trophy🏆
I’m happy we found Dahani 🤙 pic.twitter.com/GnUE2vDR9K

— Ali Khan Tareen (@aliktareen) June 24, 2021

ایک صارف نے تصویر شیئر کی جس میں اظہر محمود شاہنواز دھانی کو محبت بھرے انداز میں دیکھ رہے ہیں۔ اظہر محمود کی اہلیہ نے اس تصویر کو شیئر کرتے ہوئے اپنے شوہر کے لیے لکھا کہ ’کبھی مجھے بھی ایسے دیکھ لیا کریں۔‘

kabhi muje bhi aisa dekhliya karelein… https://t.co/oM0lKtY9T2

— Ebba Qureshi (@EbbaQ) June 24, 2021

شاہنواز دھانی نے اپنے مداحوں کا شکریہ ادا کیا ہے۔

Alhamdullah! Aaj men apny sary fans ka bhut bhut shukrguzar hn, Jino ne mujhe bhut sara pyar diya aur support kia. Aap logon ki supoprt se mujhe kafi hosla mila, aur aaj men @thePSLt20 ka best bowler bana. Aap sab ka bhut bhut shukria.♥️🤙🤙🤙

— Shahnawaz Dahani (@ShahnawazDahani) June 24, 2021

شاہین شاہ آفریدی نے ملتان سلطانز کے رضوان احمد، شاہنواز دھانی عمران خان اور دیگر کھلاڑیوں کو مبارکباد پیش کی ہے۔

Wow! Congratulations to Superman @iMRizwanPak – the warrior with the heart of gold. Top performances from Dahani, Imran Khan, @sohaibcricketer, @shani_official, @ImranTahirSA for their excellence. Truly deserving victory for @MultanSultans. #PSL6 #Champions pic.twitter.com/YWwrcQ5L52

— Shaheen Shah Afridi (@iShaheenAfridi) June 24, 2021

ادھر پشاور زلمی ٹیم کے مالک جاوید آفریدی نے بھی ملتان سلطانز کو مبارکباد دی ہے۔ ساتھ ہی لکھا کہ پی ایس ایل 7 میں پشاور زلمی مزید مضبوط ہو کر لوٹے گی۔

Congratulations Multan Sultans. Great game of cricket. InshaAllah Zalmi will be back more stronger in next psl7.

— Javed Afridi (@JAfridi10) June 24, 2021