پاکستان پہلی مرتبہ ای اسپورٹس میں داخل

ای اسپورٹس کے شوقین افراد کے لیے خوشخبری آگئی ۔ سماجی رابطوں کی ویب سائٹ ٹوئٹر پر وفاقی وزیر اطلاعات و نشریات فواد چوہدری نے ویڈیو پیغام میں بتایا کہ پاکستان پہلی مرتبہ ای اسپورٹس میں داخل ہورہا ہے۔

فواد چوہدری نے ویڈیو پیغام میں ای گیمنگ کی لانچنگ اور مقابلوں کے حوالے سے بات کرتے ہوئے کہا کہ قومی سطح پر پہلی مرتبہ ای اسپورٹس کا ایونٹ منعقد ہونے جارہا ہے جس پر انہیں بے حد خوشی ہے۔ اس ٹورنامنٹ میں ملک بھر سے567 ٹیمز حصہ لیں گی۔

فواد چوہدری نے بتایا کہ معروف کمپنی گیرینا پاکستان میں بیگو کے تعاون سے فری فائر قومی ٹورنامنٹ منعقد کررہی ہے۔ وفاقی وزیر نے خوشی کا اظہار کرتے ہوئے کہا کہ اب ہمارے بچے بھی ای اسپورٹس میں حصہ لے سکیں گے، جیتنے والی ٹیمز عالمی سطح پر ہونے والے مقابلے میں جاسکتی ہیں جس میں دو ملین ڈالر کے انعامات ہیں۔ فواد چوہدری کے مطابق اب بچے 12 سال کی عمر میں کروڑ پتی بن سکتے ہیں کیونکہ اس گیم میں ایک کروڑ روپے کے انعامات ہیں۔

اس گیم میں ایک کروڑ روپے کے انعامات ہیں، جیتنے والی ٹیم عالمی سطح پر ہونے والے مقابلے میں حصہ لے سکے گی جس میں دو ملین ڈالر کے انعامات ہیں@fawadchaudhry

— Fawad Chaudhry (Updates) (@FawadPTIUpdates) July 19, 2021

یہ بھی پڑھیے

ای اسپورٹس پاکستان کے باقاعدہ کھیلوں میں شامل

فواد چوہدری نے بتایا کہ ہماری حکومت نے ای اسپورٹس کی طرف ایک اہم قدم اٹھایا ہے کیونکہ ویڈیو گیمز کی مجموعی مارکیٹ اب دو سو ارب ڈالر کی حد کو عبور کر چکی ہے۔

سوشل میڈیا صارفین کی جانب سے ای گیمنگ مقابلوں کو سراہا جارہا ہے۔

فواد صاحب آپکو اور آپکی ٹیم کو بہت بہت مبارک آپ نے پاکستان کے نوجوانوں کو دنیا کی سب سے بڑی انڈسٹری مے داخلُ کر دیا ہے امید ہے اسکو آپ پی ٹی وی اور تمام میڈیا ں پر دکھائے گے جس سے نوجوان اس انڈسٹری کے بارے مے جان سکے گے

— Raja Nasir Hussain (@RajaNHussain) July 19, 2021

ایک طرف لوگ وزارت کے اس اقدام سے خوش ہیں تو دوسری جانب چند ٹوئٹر صارفین نے ای گیمنگ کے فروغ پر تنقید بھی کی ہے۔

Please- Have a good look at the dark side of e gaming industry. The destruction of kids and youth!

— Muhammad Bilal Khan (@bilal838) July 19, 2021

واضح رہے پچھلے سال نومبر میں فواد چوہدری کی جانب سے ویڈیو گیم پروگرامنگ کا ایک خصوصی پروگرام لانے کا اعلان کیا گیا تھا۔