حسن علی کی تصویر پر کرکٹرز کے دلچسپ تبصرے

پاکستان کے مایہ ناز فاسٹ بولر حسن علی نے سماجی رابطوں کی ویب سائٹ ٹوئٹر پر اپنی ایک تصویر شیئر کی ہے جس میں انھوں نے کالے رنگ کی شیروانی زیب تن کی ہوئی ہے۔ فاسٹ بالر کی تصویر پر قومی کرکٹ ٹیم کے کھلاڑی دلچسپ تبصرے کرتے نظر آرہے ہیں۔

حسن علی نے اپنے ٹوئٹر اکاؤنٹ پر بلیک شیروانی والی تصویر شیئر کرتے ہوئے لکھا کہ یہ ڈریس انہیں ہمیشہ متاثر کرتی ہے۔ تصویر میں فاسٹ بالر ہلکی سے مسکراہٹ کے ساتھ نظر آرہے ہیں۔

Dress to impress, always pic.twitter.com/ARO1xhDZzr

— Hassan Ali 🇵🇰 (@RealHa55an) September 10, 2021

حسن علی کی تصویر پر صارفین کے علاوہ قومی کرکٹ ٹیم کے کھلاڑی بھی دلچسپ تبصرے کرتے نظر آرہے ہیں۔ قومی کرکٹ ٹیم کے کپتان بابراعظم نے لکھا کہ حسو (حسن علی) تصویر میں اچھے نظر آرہے ہیں۔ انھوں نے چلبلے انداز میں مزید لکھا "ویسے یہ رشتہ تصویر لگ رہی ہے”۔ بابراعظم کے دلچسپ تبصرے کو سوشل میڈیا صارفین بہت پسند کر رہے ہیں۔

Hasoo looking nice! Rishta pic lag rahi hai waisey. https://t.co/TnAbWkrWJw

— Babar Azam (@babarazam258) September 10, 2021

یہ بھی پڑھیے

شاہنواز دھانی قومی کرکٹ ٹیم میں ڈیبیو کے لیے پر امید

فاسٹ بالر کی تصویر پر کرکٹر عماد وسیم نے کپتان بابراعظم کی تائید کرتے ہوئے لکھا کہ جی یہ سو فیصد رشتہ تصویر ہی  لگ رہی ہے۔ انہوں نے مزید لکھا کہ حسن بھائی کا یہ پوز بھی پرانا ہے، آج کل تو وہ صرف جی جی ہی کرتے ہیں۔

yes looks 100% rishta pic and pose also lol purani hogi warna ab Hasoo sirf g g kerta hey 😂

— Imad Wasim (@simadwasim) September 10, 2021

قومی کرکٹ ٹیم کے بیٹس مین امام الحق بھی پیچھے نہیں رہے۔ انہوں نے اپنی ٹوئٹ میں شاداب خان کو ٹیگ کرتے ہوئے لکھا کہ "یہ ہوتی ہے رشتے والے تصویر”، انہوں نے پھر حسن علی کی تعریف بھی کی۔

yeh dekh @76Shadabkhan yeh hoti hey rishta pic looking nice Hasoo

— Imam Ul Haq (@ImamUlHaq12) September 10, 2021