لاہور ٹیسٹ: پاکستان کو 115رنز سے شکست،آسٹریلیا نے تاریخی سیریز اپنے نام کرلی
آسٹریلوی اسپنر نیتھن لائن کے 5شکار، کپتان پیٹ کمنز کی 3وکٹیں، نصف سنچریاں بنانے والے امام الحق اور بابر اعظم کے علاوہ کوئی کھلاڑی وکٹ پر نہ ٹک سکا
آسٹریلیا نے پاکستان کو لاہور ٹیسٹ میں 115 رنز سے شکست دے کر 3 ٹیسٹ میچز کی سیریز میں ایک صفر سے کامیابی حاصل کرلی۔
آسٹریلوی اسپنر نیتھن لائن نے پانچ وکٹیں حاصل کیں۔ کپتان پیٹ کمنز نے تین جبکہ مچل اسٹارک اور کیمرون گرین نے ایک ایک کھلاڑی کو آؤٹ کیا۔ مہمان ٹیم تیسری مرتبہ پاکستان میں ٹیسٹ سیریز جیتنے میں کامیاب ہوئی ہے۔
یہ بھی پڑھیے
پاک آسٹریلیا ٹیسٹ میچ کا تیسرا روز یوم پاکستان کے نام
بابر اعظم کراچی ٹیسٹ نہ جتوا سکے شائقین کے دل جیت لیے
پانچویں روز کے کھیل کے آغاز سے قبل قذافی اسٹیڈیم میں 1992 کے ورلڈ کپ کی ٹرافی بھی رکھی گئی، جس کے ساتھ پاکستانی کھلاڑیوں نے تصاویر بھی بنائی۔ 25 مارچ 1992 کو پاکستان عمران خان کی قیادت میں پہلی مرتبہ ورلڈ کپ چیمپیئن بنا تھا۔
There’s a celebrity on ground today! #BoysReadyHain l #PAKvAUS pic.twitter.com/OWmqmg9T0y
— Pakistan Cricket (@TheRealPCB) March 25, 2022
لاہور کے قذافی اسٹیڈم میں کھیلے جانے والے سیریز کے تیسرے اور آخری ٹیسٹ میچ کے پانچویں دن کھیل کا آغاز عبداللہ شفیق اور امام الحق نے کیا۔ اوپنر عبداللہ شفیق 27 رنز بنا کر کیمرون گرین کی گیند پر وکٹ کے پیچھے کیچ آؤٹ ہوگئے۔
Australia get their first wicket, it is @imabd28. #BoysReadyHain l #PAKvAUS pic.twitter.com/nZfmzcVO41
— Pakistan Cricket (@TheRealPCB) March 25, 2022
عبداللہ شفیق کے بعد آنے والے جگہ اظہر علی اسکور میں خاطر خواہ اضافہ نہیں کرسکے اور 105 رنز کے مجموعی اسکور پر 17 رنز بناکر اسمتھ کی گیند پر کیچ دے بیٹھے۔
Lyon gets Azhar. #BoysReadyHain l #PAKvAUS pic.twitter.com/2JHPRMIWQz
— Pakistan Cricket (@TheRealPCB) March 25, 2022
امام الحق نے بابر اعظم کے ساتھ اننگز کو سہارا دیتے ہوئے اسکو ر کو 142تک پہنچایا لیکن 70 رنز بناکر وہ بھی وکٹ کیپر کو کیچ تھما بیٹھے۔
Imam falls right after lunch. #BoysReadyHain l #PAKvAUS pic.twitter.com/D3OTwdO2pd
— Pakistan Cricket (@TheRealPCB) March 25, 2022
فواد عالم 11 رنز اور محمد رضوان صفر پر پیٹ کمنز کی گیند پر ایل بی ڈبلیو آؤٹ ہوگئے۔
Cummins strikes. Fawad walks back. #BoysReadyHain l #PAKvAUS pic.twitter.com/4M0R0bt3X2
— Pakistan Cricket (@TheRealPCB) March 25, 2022
محمد رضوان نے بابر اعظم کے مشورے پر ری ویو نہیں لیا اور پویلین لوٹ گئے بعد ازاں ایکشن ری پلے میں انکشاف ہوا کہ رضوان کے پیڈ پر لگنے والے بال گیند وکٹ پر لائن سے باہر گری تھی اگر رضوان ری ویو لے لیتے تو یقینی طور پر ناٹ آؤٹ قرار پاتے۔
Rizwan walks out. Big wicket for Australia. #BoysReadyHain l #PAKvAUS pic.twitter.com/qMxwx3s29D
— Pakistan Cricket (@TheRealPCB) March 25, 2022
رضوان کی وکٹ میچ کا ٹرننگ پوائنٹ ثابت ہوئی جس کے بعد وکٹیں گرنے کی لائن لگ گئی۔ پاکستان کے چھٹے آؤٹ ہونے والے کھلاڑی کپتان بابراعظم تھے، جو 54 رنز بنا کر نیتھن لائن کی گیند پر وکٹ کے پیچھے کیچ تھما بیٹھے۔
Lahore held its breath as Lyon got the skipper. #BoysReadyHain l #PAKvAUS pic.twitter.com/lRHj20AGPs
— Pakistan Cricket (@TheRealPCB) March 25, 2022
جبکہ ساتویں کھلاڑی ساجد خان کو مچل اسٹارک نے آؤٹ کیا جبکہ حسن علی 13 رنز بنا کر نیتھن لائن کی گیند پر کلین بولڈ ہوگئے جبکہ اسکے بعد شاہین شاہ آفریدی 5 رنز اور نسیم شاہ ایک رن بنا کر پویلین لوٹ گئے۔
Australia win by 115 runs.
Congratulations @CricketAus 👏🏼 #BoysReadyHain l #PAKvAUS pic.twitter.com/zVkHozrsn9— Pakistan Cricket (@TheRealPCB) March 25, 2022
آسٹریلیا نے پاکستان کے خلاف ٹیسٹ سیریز ایک صفر سے اپنے نام کی۔ دونوں ٹیموں کے درمیان راولپنڈی اور کراچی میں کھیلا گیا سیریز کا پہلا اور دوسرا ٹیسٹ ڈرا ہوگیا تھا۔دونوں ٹیموں کے درمیان ون ڈے سیریز کا آغاز 29 مارچ سے ہوگا جس کی میزبانی لاہور کرے گا۔
