بھارتی اسٹار بلے باز ویرات کوہلی کا بابر اعظم کے لیے نیک خواہشات کا اظہار
واضح رہے کہ قومی کرکٹ کے کپتان نے گزشتہ روز ایک پیغام میں ویرات کوہلی کو مضبوط رہنے کا مشورہ دیا تھا۔
حالیہ دنوں میں ناقص کارکردگی کی وجہ سے تنقید کی زد میں رہنے والے بھارت کے ٹاپ بلے باز ویرات کوہلی نے پاکستان کرکٹ ٹیم کے کپتان بابر اعظم کا شکریہ ادا کیا ہے۔
گزشتہ روز کپتان بابر اعظم نے ٹی ٹوئنٹی ورلڈ کپ کے دوران ویرات کوہلی کے ہمراہ کھینچی گئی تصویر شیئر کرتے ہوئے مضبوط رہے کا مشورہ دیا تھا۔
یہ بھی پڑھیے
یہ وقت بھی گزرجائے گا! بابر اعظم کا کوہلی کو مضبوط رہنے کا مشورہ
ٹینس اسٹار اعصام الحق کابڑی عید پر پاکستانیوں کو بڑا تحفہ
سماجی رابطوں کی ویب سائٹ ٹوئٹر پر پیغام جاری کرتے ہوئے کپتان بابر اعظم نے لکھا تھا کہ "یہ وقت بھی گزر جائے گا ، بس مضبوط کھڑے رہیں۔”
This too shall pass. Stay strong. #ViratKohli pic.twitter.com/ozr7BFFgXt
— Babar Azam (@babarazam258) July 14, 2022
بابر اعظم کے ٹوئٹ کے جواب میں ٹوئٹ کرتے ہوئے انڈین ٹیم کے سابق کپتان ویرات کوہلی نے لکھا ہے کہ "شکریہ ، چمکتے رہیں اور ترقی کرتے رہیں ، میری نیک خواہشات آپ کے ساتھ ہیں۔”
Thank you. Keep shining and rising. Wish you all the best 👏
— Virat Kohli (@imVkohli) July 16, 2022
واضح رہے کہ بھارت کے اسٹار بلے باز ویرات کوہلی کوحالیہ ناقص کارکردگی کے باعث شدید تنقید کا سامنا ہے۔بھارتی کرکٹ بورڈ نے دورہ ویسٹ انڈیز کے لئے آؤٹ آف فارم ویرات کوہلی کو ڈراپ کردیا ہے۔
بھارتی میڈیا کے مطابق سابق کپتان ویرات کوہلی کو دورہ ویسٹ انڈیز کے لیے آرام دیا گیا ہے۔ کوہلی پہلے آؤٹ آف فارم تھے اور اب فٹنس کے مسائل سے دوچار ہیں۔
یاد رہے کہ ویرات کوہلی انگلینڈ کے خلاف پہلے ون ڈے میں کمر کی انجری کی وجہ سے نہیں کھیل سکے تھے۔
ویرات کوہلی انگلینڈ کے خلاف ون ڈے سیریز میں اچھی کارکردگی دکھانے میں ناکام رہے ہیں کیونکہ انہوں نے دوسرے میچ میں صرف 16 رنز بنائے جبکہ لارڈز میں بھارت کو 100 رنز سے شکست کا سامنا کرنا پڑا۔
آئی سی سی کے مطابق ٹی ٹوئنٹی سیریز میں 1 اور 11 کے اسکور اور دوبارہ شیڈول کردہ پانچویں ٹیسٹ میں ناکامی کے بعد بلے باز اب مسلسل 77ویں بین الاقوامی اننگز تین ہندسوں تک پہنچانے میں ناکام رہے ہیں۔
