بابر اعظم کے کوور ڈرائیو کا پاکستانی نصاب میں تذکرہ
نویں جماعت کی طبیعات کی کتاب میں حرکی توانائی سے متعلق مضمون میں بابر اعظم کے کوور ڈرائیو سے متعلق سوال شامل، بولنگ کوچ شان ٹیٹ کا خوشی کا اظہار
قومی کرکٹ ٹیم کےکپتان بابر اعظم کے”کور ڈرائیو “ کے چرچےپاکستان میں درسی کتب تک جاپہنچے۔ نویں جماعت کی طبیعات کی کتاب میں حرکی توانائی (kinetic energy) سے متعلق سوال میں بابر اعظم کی کوور ڈرائیو کا حوالہ دیاگیا ہے۔
سابق آسٹریلوی بالر اور قومی کرکٹ ٹیم کے بولنگ کوچ شان ٹیٹ نے مذکورہ سوال کا عکس شیئر کرتے ہوئے اس پر خوشی کا اظہار کیا ہے۔
یہ بھی پڑھیے
کپتان بابر اعظم سمیت پاکستانی کرکٹرز کی سیلاب زدگان کی امداد کی اپیل
وسیم اکرم کی سوانح عمری ”سلطان وسیم اکرم“ جلد مارکیٹ میں آنے کیلیے تیار
شان ٹیٹ نے اپنے ٹوئٹ میں لکھا کہ اندازہ لگائیں پاکستانی قوم کرکٹ سے کتنی محبت کرتی ہے، میں طبیعات میں اچھا نہیں ہوں لیکن مجھے پورا یقین ہے کہ یہ سوال 100 فیصد درست ہے ، بابر اعظم کے کوور ڈرائیو سے اچھا کچھ نہیں۔انہوں نے مزیدلکھا کہ پاکستان میں نویں جماعت کے طبیعات کے نصاب میں بابر اعظم کی کوور ڈرائیو سے متعلق سوال ۔
Guess how much Pakistani Nation love cricket. I’m not Good in physics but I’m damn sure that this equation is 100% Perfect Nothing better than babar azam cover drive> poetry 🤍
Babar Azam’s cover drive related question in 9th grade physics syllabus in PAK (via Reddit)#BaberAzam pic.twitter.com/pZvrAWGHiI— Shaun Tait-🦘 (@shaun_tait32) September 13, 2022
نویں جماعت کی طبعیات کی کتاب میں حرکی توانائی سے متعلق مضمون میں طلبہ سے ایک سوال پوچھا گیا ہے کہ بابر اعظم نے 150 جولز کی حرکی توانائی سے کوور ڈرائیوکھیلتے ہوئے اپنے بلے سے گیند کو ضرب لگائی تو 120 گرام کی گیند کس رفتار سے باؤنڈری کی جانب جائے گی؟
