پی سی بی کے ”راجہ“مڈل آرڈر کی ناکامی سے متعلق سوال پر غصے میں آگئے
پاکستان کرکٹ بورڈ ( پی سی بی ) کے ”راجہ“ رمیز راجہ اسپورٹس شو کے دوران قومی ٹیم کے مڈل آرڈر کی ناکامی سے متعلق سوال پر غصے میں آگئے اور اسپورٹس شوز پر منفی چیزیں پھیلانے کا الزام عائد کردیا۔چیئرمین پی سی بی کے رویے پر ناپسندیدگی کا اظہار کیا ہے۔
چیئرمین پی سی بی رمیز راجہ اے آر وائی نیوز کے پروگرام اسپورٹس روم میں میزبان شعیب ہاشمی سے براہ راست گفتگو کررہے تھے۔میزبان نے مڈل آرڈر کی مسلسل ناکامی سے متعلق سوال کیا تو چیئر مین پی سی بی غصے میں آگئے۔
یہ بھی پڑھیے
کرتار پور میں پاکستان اور بھارت کے سابق ٹیسٹ کرکٹرز کی یادگار ملاقات
شاداب خان نے نیوزی لینڈ روانگی کے دوران جہاز میں سالگرہ منائی
رمیز راجہ نے کہاکہ یہ ٹیم کیسے غلط کھیل رہی ہے؟ کسی ٹیم کو کیسے پرکھا جاتا ہے؟کامیابی کا تناسب دیکھتے ہیں ؟ پھر دیکھتےہیں کہ عالمی سطح پر ٹیم کس رینک پر کھڑی ہے۔
چیئرمین PCB کہتے میں شوز میں Negativity کو کیوں ہوا دی جاتی ہے @ImNajeebH @hashmi_shahid pic.twitter.com/wNLMcQjxu3
— Fawwad Khan (@khanfawwad) October 5, 2022
انہوں نے کہاکہ پہلی مرتبہ آپ کے 3یا 4 کھلاڑی آئی سی سی کے سارے ایوارڈز لے اڑے ہیں، آپ نے برسوں کے بعد،شاید میری زندگی میں تو کبھی ورلڈ کپ میں انڈیا کو نہیں ہرایا۔آگے چلتے ہیں تو آپ ایشیا کپ کا فائنل کھیلتے ہیں لیکن وہ بھی آپ کو پسند نہیں آتا کیونکہ وہاں آپ ہار گئے،لیکن پھر انڈیا تو فائنل بھی نہیں کھیلا انہیں تو پھانسی لگادینی چاہیے تھی۔
انہوں نے کہا کہ پاک انگلینڈ سیریز میں گراؤنڈز میں پاؤں رکھنے کی جگہ نہیں تھی،مطلب پرستار پاکستان کرکٹ ٹیم میں بے انتہا دلچسپی لے رہے ہیں۔انہوں نے کہاکہ جب اتنے بڑے بڑے سنگ میل اور اشارے موجود ہیں تو مجھے سمجھ نہیں آتی کہ آپ لوگ ان شوز میں منفی چیزوں کو اتنی ہوا کیوں دیتے ہیں؟انہوں نے کہاکہ آپ لوگ پلس کو نہیں دیکھ رہے ، آپ لوگ آدھاخالی گلاس دیکھ رہے ہیں۔
He clearly feels agitated when we ask questions about the team ….relax calm down chairman sahab we all want whats best for the team …..saying we are negative wont solve your problems #PakistanCricket https://t.co/WoK6vNbFgv
— Najeeb ul Hasnain (@ImNajeebH) October 5, 2022
اینکر نجیب الحسنین نے کہا کہ جب ہم ٹیم کے بارے میں سوالات پوچھتے ہیں تو وہ واضح طور پر مشتعل ہو جاتے ہیں، آرام سے ٹھنڈے ہوجائیں چیئرمین صاحب ہم سب ٹیم کی بہتری چاہتے ہیں ، یہ کہنے سے کہ ہم منفی ہیں آپ کے مسائل حل نہیں ہوں گے۔
After one year, he has started to come on Tv otherwise he was avoiding the media. Is something important going to happen ?? https://t.co/PyW5pU2FHJ
— Mirza Iqbal Baig (@mirzaiqbal80) October 5, 2022
سینئر صحافی اور اینکر مرزا اقبال بیگ نےچیئرمین پی سی بی کے حوالے سے کہاکہ ایک سال کے بعد وہ ٹی وی پر آنا شروع ہو گئے ہیں ورنہ وہ میڈیا سے گریز کر رہے تھے۔ کیا کچھ اہم ہونے والا ہے ؟؟
