پاک فوج کا دستہ فیفا ورلڈ کپ کی سیکیورٹی سنبھالنے قطر پہنچ گیا

پاک فوج کا دستہ فیفا ورلڈ کپ 2022 میں سیکیورٹی کی ذمے داریاں سنبھالنے کیلیے  قطر پہنچ گیا۔

پاکستان آرمی کا خصوصی دستہ  گزشتہ روز نور خان ائیر بیس سے قطر کے لیے روانہ ہوا، دستہ پاک فوج کےافسران، جونئیر کمیشنڈ افسران  اور جوانوں پر مشتمل ہے۔

یہ بھی پڑھیے

فیفا ورلڈکپ کیلیے قطر جانے کے خواہشمند اسرائیلیوں کو خود کو فلسطینی تسلیم کرنا ہوگا

پاکستان آرمی فیفا ورلڈ کپ 2022 کے دوران قطرحکومت کو سیکیورٹی میں معاونت کرے گی۔اس ضمن میں 8 رکنی عالمی فیفا ٹریننگ ٹیم نے ستمبر میں پاکستان کا دورہ کیا تھا، دورے میں ٹریننگ ٹیم نے پاکستان آرمی کے منتخب دستے کو فیفا سیکیورٹی سے متعلق تربیت دی تھی۔

یاد رہے کہ قطر نے پاکستان سے فیفا ورلڈ کپ 2022 کے دوران سکیورٹی میں معاونت کیلیے پاک فوج کے دستے کی فراہمی کی درخواست کی تھی اور اس ضمن میں قطری وزارت داخلہ کے 4 رُکنی وفد نے اگست میں پاکستان کا دورہ کیا تھا۔