انگلینڈ کے ہاتھوں وائٹ واش، ٹیم کی قیادت سرفراز کو سونپنے کا مطالبہ زور پکڑگیا

پاکستان کرکٹ ٹیم  کو انگلینڈ کے ہاتھوں بدترین شکست اور70 سالہ تاریخ میں  پہلی بارہوم سیریز میں وائٹ واش کے بعد کیویز کیخلاف ہوم سیریز میں  قومی ٹیسٹ ٹیم کی قیادت سرفراز احمد کو سونپنے کا مطالبہ زور پکڑگیا۔

کھیلوں سے وابستہ سینئر صحافیوں نے نیوزی لینڈ کیخلاف ہوم سیریزمیں  وکٹ کیپر رضوان کی جگہ سرفراز احمد کو آزمانے اور بابر اعظم کی جگہ انہیں کپتانی سونپنے کامطالبہ کردیا۔

یہ بھی پڑھیے

کراچی ٹیسٹ بھی انگلینڈ کے نام، پاکستان کو ہوم گراؤنڈ پر پہلی بار وائٹ واش

کرکٹ کیلیے اَن فٹ حارث رؤف اور شاہین شاہ آفریدی شادی کیلیے فٹ ہوگئے

سینئر صحافی سلیم خالق نے نیوزی لینڈ کیخلاف ٹیسٹ سیریز کی کپتانی سابق کپتان سرفراز احمد کو سونپنے کا مطالبہ کردیا۔سلیم خالق نے اپنے ٹوئٹ میں لکھاکہ اگر پی سی بی بہتر نتائج چاہتا ہے تو نیوزی لینڈ کیخلاف ہوم سیریز کیلیے سرفرازاحمد کابطور کپتان تقرر کرے۔

PCB should appoint Sarfaraz Ahmad as test captain for New Zealand series if they want good results

— Saleem Khaliq (@saleemkhaliq) December 20, 2022

سینئر صحافی عبدالماجد بھٹی نے وکٹ کیپر بلے باز محمد رضوان کی پچھلی 12اننگز کے اعداد و شمار شیئر کرتے ہوئے اپنے ٹوئٹ میں لکھاکہ اس کارکردگی کے بعد بابراعظم انصاف کےتقاضے پورے کرکے سرفرازاحمد کو نیوزی لینڈ کی سیریز میں آزمائیں، نیشنل اسٹیڈیم میں ٹیسٹ کے تیسرے دن تماشائی بھی سرفراز کے حق میں نعرے لگاتے رہے۔

اس کارکردگی کے بعد بابراعظم انصاف کےتقاضے پورے کرکے سرفرازاحمد کو نیوزی لینڈ کی سیریز میں آزمائیں، نیشنل اسٹیڈیم میں ٹیسٹ کے تیسرے دن تماشائی بھی @SarfarazA_54 کے حق میں نعرے لگاتے رہے pic.twitter.com/VxaPL5ytOq

— Abdul Majid Bhatti (@bhattimajid) December 20, 2022

سینئر اینکرسید یحییٰ حسینی بھی عبدالماجد بھٹی کی ٹوئٹ کو ری ٹوئٹ کرتے ہوئے ان کی رائے سے اتفاق کیا۔

Who they are ????? Who cares about them ????? Are they friends ???? No so keep chanting but they are sleeping https://t.co/RKJcFXwTIw

— Shoaib Jatt (@Shoaib_Jatt) December 19, 2022

اسپورٹس رپورٹر شعیب جٹ نےسرفراز احمد کے حق میں کئی ٹوئٹ کیے ہیں۔ایک ٹوئٹ میں انہوں نے  نیشنل اسٹیڈیم کی ایک وڈیو شیئر کی ہے جس میں تماشائی سابق کپتان سرفراز احمد کو ٹیم میں واپس لانے کیلیے نعرے لگارہے ہیں۔ انہوں نے لکھاکہ وہ کون ہیں؟ ان کی پروا کسے ہے؟ کیا وہ دوست ہیں؟ نہیں، تو انہیں نعرے لگانے دو لیکن وہ سو رہے ہیں۔

کھلانا منع ہے pic.twitter.com/qHR4vej0zK

— Shoaib Jatt (@Shoaib_Jatt) December 19, 2022

شعیب جٹ نے ایک اور ٹوئٹ میں سرفراز احمد کی تصویر شیئر کرتے ہوئے لکھاکہ”کھلانا منع ہے“۔

𝐑𝐢𝐠𝐡𝐭 𝐌𝐚𝐧 𝐟𝐨𝐫 𝐑𝐢𝐠𝐡𝐭 𝐉𝐨𝐛

Nawaz Sharif appointed @najamsethi as chairman

Sethi appointed @Inzamam08 as Chief Selector

Inzimam Support @SarfarazA_54 as captain

Result : 🇵🇰 𝐰𝐨𝐧 𝐂-𝐓𝐫𝐨𝐩𝐡𝐲 𝟏𝐬𝐭 𝐭𝐢𝐦𝐞 𝐢𝐧 𝐡𝐢𝐬𝐭𝐨𝐫𝐲. pic.twitter.com/XklfWbYF9D

— Shoaib Jatt (@Shoaib_Jatt) December 19, 2022

ایک ٹوئٹ میں انہوں نے لکھا کہ رائٹ مین فار دی رائٹ جاب، نوازشریف نے نجم سیٹھی کو چیئر مین پی سی بی بنایا، سیٹھی نے انضمام الحق کو چیف سلیکٹر بنایا،انضمام نے بطور کپتان سرفراز احمد کو سپورٹ کیا اور نتیجہ یہ نکلا کہ پاکستان  تاریخ میں پہلی بار چیمپئنز ٹرافی جیت گیا۔

نیوزی لینڈ کے خلاف دو ٹیسٹ
میچز کی سیریز میں سرفراز احمد کو موقع اور محمد رضوان کو آرام دینا چاہیے #rizwan #SarfarazAhmed

— Sohail Imran (@sohailimrangeo) December 19, 2022

اسپورٹس رپورٹر سہیل عمران نے بھی نیوزی لینڈ کے خلاف ٹیسٹ سیریز میں سرفراز احمد کو موقع دینے کا مطالبہ کردیا۔انہوں نے اپنے ٹوئٹ میں لکھا کہ نیوزی لینڈ کے خلاف دو ٹیسٹ میچز کی سیریز میں سرفراز احمد کو موقع اور محمد رضوان کو آرام دینا چاہیے ۔

محمد رضوان
بھائی آخر کب تک ؟؟؟#PAKvENG

— Sohail Imran (@sohailimrangeo) December 19, 2022

ایک اور ٹوئٹ میں انہوں نے سوال کی کیا کہ محمد رضوان ، آخر کب تک؟

But still he is not giving chance to anyone https://t.co/dba0tgJnVc

— Mirza Iqbal Baig (@mirzaiqbal80) December 19, 2022

سینئر صحافی مرزا اقبال بیگ نے بھی  ای ایس پی این اسٹار اسپورٹس کی جانب سےمرتب  کردہ محمد رضوان کے پچھلی 12 اننگز کے اعداد شمار شیئرکردیے۔ ای ایس پی این نے اپنے ٹوئٹ میں سوال اٹھایا تھا کہ محمد رضوان نے اپنے آخری چھ ٹیسٹ میچز میں ففٹی اسکور نہیں کی ،کیا پاکستان کو ان کا ساتھ برقرار رہنا چاہیے؟  مرزا اقبال بیگ نے اس سوال کا جواب دیتے ہوئے اپنے ٹوئٹ میں لکھاکہ لیکن پھر بھی وہ کسی کو موقع نہیں دے رہا۔