پنجاب میں اسموگ کا سبب بننے والوں کیخلاف آپریشن جاری،فیکٹری سیل

پنجاب میں اسموگ کا سبب بننے والے صنعتوں اور گاڑیوں کے خلاف بڑے پیمانے پر آپریشن جاری ہے۔

مریدکے میں فیکٹری میں ٹائر جلانے والی  جگہ کو مسمار کردیا گیا،موٹروے پولیس کے دھواں چھوڑنے والی  متعددگاڑیوں کو بھاری جرمانے،20مقدمات درج کرلیے گئے۔

یہ بھی پڑھیے

اسسٹنٹ کمشنر مریدکے ابراہیم ارباب کی سربراہی میں پولیس نے کالاشاہ کاکو کی نواحی آبادی موضع نون  میں ٹائر جلانے والی فیکٹری سیل کرکے مقدمہ درج کروا دیا ۔کارروائی کے دوران  ٹائر جلانے والی  جگہوں کو بھاری مشینری کے ذریعےمسمار کر دیا گیا۔

دوسری جانب موٹروے پولیس بھی پنجاب میں اسموگ کے خاتمے کیلیے سرگرم ہوگئی۔ آئی جی موٹروے پولیس انعام غنی کی ہدایت پر موٹر وے پولیس پٹرولنگ اسٹاف نے جی ٹی روڈ پر غیر ذمے درانہ ڈرائیونگ اور دھواں چھوڑنے والی گاڑیوں کیخلاف خصوصی آپریشن  کرتے ہوئے 20مقدمات درج کروادیے۔ کارروائی کے دوران  متعدد ڈرائیورز کو بھاری جرمانے بھی کیے گئے۔