عمران خان کی گرفتاری سے سیاسی بحران مزید گہرا ہوگا، زلمے خلیل زاد

افغانستان کے لیے سابق امریکی نمائندہ خصوصی زلمے خلیل زاد نے عمران خان کی ممکنہ گرفتاری کو سیاسی بحران کیلیے مزید سنگینی کا سبب قرار دیتے ہوئے ملک میں جون کے اوائل میں قومی انتخابات کرانے کی تجویز پیش کردی۔

پاکستان کے موجودہ حالات پر اظہار خیال کرتے ہوئے زلمے خلیل زاد نے اپنے ٹوئٹ میں لکھا کہ بھرپور صلاحیت کے باوجود پاکستان خراب کارکردگی کا مظاہرہ کر رہا ہے اور اپنے روایتی حریف بھارت سے بہت پیچھے ہے۔

یہ بھی پڑھیے

عمران خان کی ممکنہ گرفتاری؛ ملک بھر میں احتجاج، زمان پاک میدان جنگ میں تبدیل

عمران خان کی گرفتاری پولیس کیلئے چیلنج بن گئی ، 20 گھنٹے کے بعد نتیجہ صرف  بٹا صرف

انہوں نے کہاکہ یہ روح کی سنجیدہ تلاش، جرات مندانہ سوچ، اور حکمت عملی اپنانے  کا وقت ہے، میرے خیال سے  سیاسی رہنماؤں کو مرحلہ وار  جیلوں میں ڈالنا، پھانسی دینا یا قتل کرنا غلط راستہ ہے۔ عمران خان کی گرفتاری سے بحران مزید گہرا ہو گا۔

#Pakistan faces a triple crisis: political, economic, and security. Despite great potential, it is underperforming and falling far behind its archrival, India. It is time for serious soul-searching, bold thinking, and strategizing. Here are my thoughts:

[Thread]

— Zalmay Khalilzad (@realZalmayMK) March 14, 2023

زلمے خلیل زاد نے کہاکہ  میں 2 اقدامات پر زور دیتا ہوں،اول یہ کہ خرابی کو روکنے کے لیے جون کے اوائل میں قومی انتخابات کے لیے ایک تاریخ مقرر کریں۔دوم یہ کہ سرکردہ سیاسی جماعتیں اس وقت کو   استعمال کر تے ہوئے غلطی کوسدھاریں  اور ملک کو استحکام، سلامتی اور خوشحالی کی راہ پر گامزن کرنے کے لیے ایک مخصوص منصوبہ تجویز کریں۔

2. Use this time for the main political parties to confont what has gone wrong and propose a specific plan to rescue and put the country on a path to stability, security, and prosperity. Whichever party wins the election will have a mandate from the people on what must be done.

— Zalmay Khalilzad (@realZalmayMK) March 14, 2023

سابق امریکی نمائندہ خصوصی نے کہاکہ جو بھی پارٹی الیکشن جیتے گی اسے عوام کا مینڈیٹ حاصل ہو گا کہ کیا کرنا چاہیے۔