اسرائیل کے جنوبی لبنان اور غزہ میں فضائی حملے، مغربی کنارے میں 2 یہودی خواتین قتل
صہیونی فضائیہ نے غزہ میں گھروں، رہائشی عمارتوں اور بچوں کے اسپتال کو نشانہ بنایا، مغربی کنارے میں کار سواروں کی فائرنگ سے ایک یہود خاتون زخمی بھی ہوئی، مسجد اقصیٰ میں ہزاروں مسلمانوں نے نماز جمعہ ادا کی، برطانیہ کا کشیدگی کے خاتمے پر زور
اسرائیلی پولیس کی جانب سے مسجد اقصیٰ کی بےحرمتی اور نمازیوں پر تشدد کے جواب میں جنوبی لبنان اور غزہ سے کیے گئے حماس کے راکٹ حملوں کے جواب میں اسرائیلی نے گزشتہ رات غزہ اور جنوبی لبنان پر فضائی حملے کیے۔
دوسری جانب مغربی کنارے میں وادی اردن کے قریبی قصبے حمارا میں کار سوار افراد کی فائرنگ سے دو 20سالہ یہودی آبادکار خواتین ہلاک اور45 سالہ خاتون زخمی ہوگئیں۔
یہ بھی پڑھیے
8 بھارتی ریاستوں میں مسلم کش فسادات، بہار میں مدرسہ عزیزیہ نذرآتش
امریکا میں پہلی بار سابق صدر پر فرد جرم عائد، ڈونلڈ ٹرمپ سے گرفتاری دینے کامطالبہ
مسجد اقصیٰ میں کئی روز سے جاری کشیدگی ، صہیونی فوج کی جانب سے خواتین سمیت مسلمان نمازیوں پر بہیمانہ تشدد اور 400 سے زائد نمازیوں کی گرفتاری کےبعد حماس نے گزشتہ روز جنوبی لبنان اور غزہ سے اسرائیل پر راکٹ حملے کیے جن سے کوئی جانی نقصان نہیں ہوا تاہم اسرائیلیوں میں خوف وہراس پھیل گیا۔
The moment Israeli warplanes bombed several places across Gaza Strip few minutes ago.#AlQuds_Solution_OnlyJihad#آگاہی_سوشل_میڈیا_پرگستاخی_نامنظور pic.twitter.com/GlJZW7ajqh
— شعیب جٹ🇵🇰 (@PkzShoaibjutt) April 6, 2023
قابض اسرائیلی فوج نے راکٹ حملوں کے جواب میں صبح 4 بجے جنوبی لبنان میں حماس کے ٹھکانوں پر فضائی حملوں کا اعلان کیا۔اس سے قبل صہیونی فوج نے غزہ میں شدیدبمباری کے دوران گھروں، رہائشی عمارتوں اور بچوں کو اسپتال کو نشانہ بنایا۔تاہم کسی جانی نقصان کی اطلاع نہیں ملی۔
دوسری جانب آج جمعے کےدن مغربی کنارے میں وادی اردن کے قریبی قصبے حمارا میں کارسوار مسلح افراد کے حملے میں 2 بیس سالہ خواتین ہلاک اور ایک 45 سالہ یہودی آبادکار خاتون زخمی ہوگئی۔
A total of 3 injured in the attack, 2 young women around 20 years old who were pronounced dead at the scene and a woman about 45 years old in critical condition evacuated to Hadassah Ein Kerem Hospital by MDA-Hatzalah Air helicopter. pic.twitter.com/sZTJIzp5rp
— Magen David Adom (@Mdais) April 7, 2023
واقعے کے بعد اسرائیلی فورسز نے مغربی کنارے میں ناکہ بندی کردی اور اسرائیلی پولیس کے سربراہ اسرائیلی شہریوں کو اپنے ساتھ اسلحہ لیکر گھر سے نکلنے کی ہدایت کی ہے۔حماس نے یہود آباد کاروں کےقتل کا خیر مقدم کیا ہے اور حملہ آوروں کو مبارکباد پیش کی ہے۔یہودی آبادکاروں پر حملے کو مسجد اقصیٰ پر صہیونی دہشت گردی کا ردعمل قرار دیا جارہا ہے۔
If we can’t defend AL AQSA how will we defend AL KABBAH, have we forgotten the day of judgement, have we forgotten about meeting his MAJESTY The Lord of everything the most merciful ALLAH SWT.#AlAqsaCallsMuslimArmies #AlQuds_Solution_OnlyJihad pic.twitter.com/meMKj08qVq
— talal asim (@Talalasim4) April 6, 2023
دریں اثنا مسجد اقصیٰ میں ہزاروں افراد نے رمضان المبارک کے تیسرے جمعۃ المبارک کی نماز ادا کی۔اس موقع پر نمازیوں کی بڑی تعداد اسرائیلی پابندیوں کو خاطر میں نہ لاتےہوئے مسجد کے مرکزی ہال میں داخل ہوگئی۔
In pictures|| From Friday prayers at #Jerusalem’s Al-Aqsa Mosque. pic.twitter.com/1KoLucuCJz
— AlQastal News (@QastalNewsEn) April 7, 2023
دوسری جانب غزہ اور جنوبی لبنان میں اسرائیلی فضائیہ کی بمباری کے بعد برطانیہ نے فریقین سے تشدد کی روک تھام کامطالبہ کیا ہے۔برطانوی وزیرخارجہ جیمز کلیورلی نے کہا ہے کہ اب وقت آگیا ہے کہ تمام فریقین خطے میں کشیدگی کا خاتمہ یقینی بنائیں۔
برطانوی وزیرخارجہ نے غزہ اور جنوبی لبنان سے اسرائیل پر راکٹ حملوں کی مذمت کی اور مسجد اقصیٰ میں ماہ رمضان میں پرتشدد کارروائیوں پر اسرائیلی پولیس چیف کو تنقید کا نشانہ بنایا۔
