مودی کو امریکا میں کڑے احتجاج کا سامنا؛ کانگریس ارکان نے باز پرس کا مطالبہ کردیا

بھارتی وزیراعظم نریندر مودی کو اپنے  دورہ امریکا  کے دوران سکھوں، عیسائیوں اور مسلمانوں سمیت انسانی حقوق کی تنظیموں اور امریکی اراکین پارلیمنٹ کی جانب سے کڑی تنقید کا سامنا کرنا پڑرہا ہے ۔

بھارتی وزیراعظم نریندر مودی کی امریکا آمد پر مسلسل احتجاج کا سلسلہ جاری ہے،اقوام متحدہ کے دفتر پہنچے پرانسانی حقوق کی تنظمیوں اور سکھ  کمیونیٹی نے ان کے خلاف احتجاجی مظاہرہ کیا ۔

یہ بھی پڑھیے

مودی سرکار کی بربریت؛ ڈاکٹر عمر خالد بغیر ٹرائل ایک ہزار دن سے تہاڑ جیل میں قید

اقوام متحدہ کے ہیڈ کوارٹر کے باہر بھارتی وزیراعظم کے خلاف سکھوں کی بڑی تعداد بھی جمع ہوئی اور نریندر مودی کے خلاف سخت نعرے بازی کی اور انہیں قصائی قرار دیا ۔

اراکین پارلیمنٹ،انسانی حقوق کی تنظمیوں  نے مودی سے قربت قائم کرنے پر صدر جو بائیڈن پر بھی تنقید کی ۔ مظاہرین نے کہا کہ بائیڈن نے مظالم پر آنکھیں بند کرلی ہیں۔

امریکی اراکین پارلیمنٹ نے  صدر بائیڈن  کی توجہ نریندر  مودی   حکومت کی جانب مبذول کروائی  اور کہا کہ انہوں نے بھارت میں اقلیتوں کو نشانہ بنایا، انسانی حقوق کو پامال کیا۔

مسلمان ،عیسائی اور سکھ کمیونٹی  سمیت انسانی حقوق کی تنظیموں  کے  سخت احتجاج کے باوجود صدر جو بائیڈن کی  امریکی انتظامیہ نے بھارتی وزیراعظم کا  ریڈ کارپٹ استقبال کیا ۔

امریکی کانگریس کی رکن راشدہ طلیب نے اپنی ایک ٹویٹ پوسٹ میں کہا کہ وہ کانگریس میں ہونے والے بھارتی وزیر اعظم  نریندر مودی کے خطاب کا بائیکاٹ کریں گی۔

It’s shameful that Modi has been given a platform at our nation’s capital—his long history of human rights abuses, anti-democratic actions, targeting Muslims & religious minorities, and censoring journalists is unacceptable.

I will be boycotting Modi’s joint address to Congress.

— Congresswoman Rashida Tlaib (@RepRashida) June 20, 2023

انہوں نے لکھاکہ یہ  انتہائی شرمناک ہے کہ انسانی حقوق کی خلاف وزری  کرنے والے بھارتی وزیر اعظم نریندر مودی کو ملک کے داراحکومت  میں پلٹ فارم  دیا جا رہا ہے ۔

کانگریس ویمن نے کہا کہ انسانی حقوق کی خلاف ورزیاں، جمہوریت مخالف اقدامات، مذہبی اقلیتوں اور صحافیوں کو نشانہ بنانے کی ان کی طویل تاریخ ناقابل قبول ہے۔

ریپبلکن رکن کانگریس الہان عمر نے بھی نریندر مودی کے خطاب کے بائیکاٹ کا اعلان کیا ہے۔ ٹوئٹر پیغام میں الہان عمر نے کہا کہ مودی کی تقریر میں شرکت نہیں کرونگی

Prime Minister Modi’s government has repressed religious minorities, emboldened violent Hindu nationalist groups, and targeted journalists/human rights advocates with impunity.

I will NOT be attending Modi’s speech.

— Ilhan Omar (@IlhanMN) June 20, 2023

انہوں نے کہا کہ مودی حکومت نے مذہبی اقلیتوں پر جبر کیا ہے، متشدد ہندو قوم پرست گروہوں کی حوصلہ افزائی کی ہےاور صحافیوں/انسانی حقوق کے حامیوں کو نشانہ بنایا ۔

وائٹ ہاؤس کے ترجمان جان کربی کا کہنا ہےکہ مودی کا دورہ امریکا دونوں ممالک کے درمیان گہری شراک داری کا مظہر ہے، بھارت ایک اہم اسٹریٹیجک پارٹنر ہو گا۔

جان کربی نے بھارت کے انسانی حقوق کے ریکارڈ اور مودی حکومت کی جانب سے انتہائی دائیں بازو کی ہندو قوم پرستی (ہندوتوا) کو اپنانے کے بارے میں خاموشی اختیار کی ۔

ناقدین کا کہنا ہے کہ ایک وقت تھا کہ امریکہ میں مودی کے داخلے پر پابندی تھی،انہیں ویزا نہیں دیا جاتا تھا  مگر اب  نریندری مودی کے لیے سرخ قالینیں بچھائی جا رہی ہیں۔

احتجاج کے باجود امریکی کی دونوں سیاسی جماعتیں ڈیموکریٹک اور ریپبلکن نے مشترکہ طور پر بھارتی وزیراعظم نریندر مودی کو گانگریس سے خطاب کی دعوت دی ہے ۔

یہ بھی پڑھیے

ٹوئٹر کے سابق سی ای او  جیک ڈورسی کے مودی پر سنگین الزامات

امریکی سینیٹ اور ایوان نمائندگان کے 70 سے زائد ارکان نے جو بائیڈن کو ایک خط لکھا جس میں مطالبہ کیا گیا ہے کہ مودی سے انسانی حقوق  سے متعلق باز پرس کی جائے ۔

امریکی اراکین کے مکتوب میں کہا گیاہے کہ عالمی میڈیا کی رپورٹس اور دیگر آزاد ذرائع سے معلوم ہوتا ہے کہ بھارت میں انسانی حقوق کی صورت حال بدترین نہج پر پہنچ گئی ہے ۔