جوہری اسلحہ کی دوڑ، بھارت کے پاس اب پاکستان سے زیادہ ہتھیار
![](https://news360.tv/wp-content/uploads/2024/06/1361874_5832939_2_akhbar.webp)
اسٹاک ہوم انٹرنیشنل پیس ریسرچ انسٹی ٹیوٹ (سیپری) نے کہا ہے کہ انڈیا کے پاس اب پاکستان سے زیادہ ایٹمی ہتھیار موجود ہیں، بھارتی وار ہیڈز کی تعداد 164سے بڑھ کررواں برس 172ہوگئی ، پاکستانی وار ہیڈز 170پر برقرار ۔ میڈیا رپورٹ کے مطابق سیپری نے منگل کو شائع ہونے والی اپنی سالانہ رپورٹ میں بتایا ہے کہ انڈیا نے ایٹمی ہتھیاروں کے ذخیرے میں کچھ اضافہ کیا ہے۔ اور جنوری 2023 میں جن وار ہیڈز کی تعداد 164 تھی وہ جنوری 2024 میں 172 ہو گئے۔ اس اضافے نے انڈیا کو دنیا کی جوہری ریاستوں کی فہرست میں چھٹے نمبر پر پہنچا دیا ہے۔ دریں اثنا پاکستان نے وار ہیڈز کی تعداد میں کوئی اضافہ نہیں کیا جو جنوری 2023 اور 2024 دونوں میں 170 ہی تھے۔ سیپری کے مطابق چین نے اپنے وار ہیڈز کی تعداد میں کافی اضافہ کیا ہے اور جنوری 2023 میں جو تعداد 410 تھی، وہ جنوری 2024 میں 500 تک پہنچ گئی۔ اس تعداد میں اضافے کے امکانات ہیں۔