شہزادہ ہیری کے بیٹے کے امریکی لہجے پر برطانیہ پریشان

برطانوی شہزادہ ہیری اور اہلیہ میگھن کے بیٹے نے بولنا تو سیکھ لیا لیکن برطانوی شہزادے کا امریکی لہجہ سب کو چونکا گیا۔

برطانوی شہزادہ ہیری کے شاہی خاندان سے دستبرداری کے اثرات سامنے آنے لگے ہیں۔ 29 دسمبر کو سابق شاہی جوڑے نے پہلی مرتبہ اپنی پوڈکاسٹ جاری کی۔ جس میں آرچی نے امریکی لہجہ اپناتے ہوئے ’ہیپی نیو ایئر‘ کہا۔ 18 ماہ کے بچے کے منہ سے نکلنے والے ان الفاظ نے برطانوی شاہی خاندان کو پریشان کردیا ہے۔

کچھ برطانوی شہری بھی آرچی کے امریکی لہجے سے خوش دکھائی نہیں دے رہے۔ سماجی رابطے کی ویب سائٹ ٹوئٹر پر اس حوالے سے ردعمل سامنے آیا۔

برطانوی اخبار ڈیلی میل کی رائل ایڈیٹر ریبیکا انگلش نے ٹوئٹر پر جاری پیغام میں کہا کہ آرچی کا لہجہ کافی حد تک امریکی ہے۔ پوسٹ پر تبصروں میں شاہی خاندان کے مداحوں نے اپنی ناراضگی کا اظہار کیا۔

The way that little Archie is more articulate than Kate 🤣

— Meghan (@_amazing_meghan) December 29, 2020

Of course. His main caregivers are American.

— Adrienne (@AdrienneRoyer) December 29, 2020

یہ بھی پڑھیے

بیزوس کی سابقہ اہلیہ نے میاں منشا کی کل دولت سے زیادہ عطیہ کردیا

دوسری جانب شاہی جوڑے کو پسند کرنے والوں نے آرچی کی جانب سے نئے سال کی مبارکباد کو معصومانہ قرار دیا۔

Omg so special with Archie!! , they sound very happy! Leaving the british monarchy was the best the could have done!

— Barbi 🐶 (@barbifranco22) December 29, 2020

The same as always, nobody is interested but here they are all commenting … I heard a happy child and that is the important thing. 😉

— NorMP (@NorMaPe061) December 29, 2020

شاہی جوڑے نے 9 مارچ کو برطانیہ کے شاہی خاندان سے باضابطہ طور پر علیحدگی کا اعلان کیا تھا۔ جس کے بعد اب وہ امریکی ریاست کیلیفورنیا میں رہائش پذیر ہیں۔ 2018ء میں شہزادہ ہیری اور میگھن مارکل کی شادی ہوئی۔ جبکہ گزشتہ برس 6 مئی کو پہلے بیٹے آرچی کی پیدائش ہوئی تھی۔

واضح رہے کہ شہزادہ آرچی کے امریکی لہجے پر برطانوی شاہی خاندان کی جانب سے اب تک کوئی ردعمل سامنے نہیں آیا ہے۔